Mitoloxía

EDUCACIÓN PRIMARIA
CARLOS ALBA “CELLERO”
Mitoloxía
(Cuentos y títeres sobre la mitoloxía asturiana)
OXETIVOS DIDÁCTICOS
Oxetivos xenerales
1. Perfacer, al rodiu de la pallabra falada y la representación escénica, un centru d´interés combayau cola
llingüa asturiana nos neños/es.
2. Daprender a los neños/es a disfrutar autónomamente de la llingua asturiana col envís de esparder el so
emplegu comu forma comunicación y comu fonte d´arriquecimientu cultural y placer personal.
3. Arriquecer, pel mediu de los cuentos y escenificaciones, les posibilidaes d´expresión oral col conocimientu
d´un vocabulariu senciellu.
4. Facer xorrecer les capacidaes d´escucha ya igüa d´hestories comu finxos perimportantes pal vezu de lleer.
-Alitar la interacción ente’l llingüaxe verbal y´l llingüaxe de la imaxen.
-Puyar pol desendolcu del perspectivismu
-Potenciar la creatividá y la imaxinación.
5. Averar a los/es neños/es a la conocencia de la lliteratura pala infancia y a la narración oral comu modo
d´espardimientu.
6. Facer pola capacidá d´escucha comprensiva y la reproducción de cuentos, poemes y cancios en llingüa
asturiana.
7. Familiarizar a los neños/es colos estremaos rexistros tonales del asturiano.
Obxetivos especificos
1. Alitar l´interés y curiosidá por conocer los seres mitolóxicos de la cultura asturiana: la Xana, el Busgosu
o Mofosu, el Diañu Burllón, la Serena, el Cuélebre, el Trasgu y el Nuberu.
2. Reconocer la mitoloxía comu un finxu importante dientro de les señes d´identidá' de la cultura asturiana.
3. Introducir al usu teatral de la mázcara.
MATERIAL PA TRABAYAR NOS CENTROS
Ficha didaútica del espeutáculu, con:
— Propuesta d´actividaes d´expresión corporal, musical y/o plástica relacionaes colos seres mitolóxicos.
— Llectura activa de cuentos, cosadielles y poemes nos que apaecen animales mitolóxicos estremaos.
— Xuegos d´asonsañamientu y recreación de los seres mitolóxicos.
— Bibliografía usada.
Duración: 35 minutos (Infantil) y 45 minutos (Primaria).
Tramu d´edá: 3-5 años / 6-10 años.
RESUME DE L´ACTIVIDÁ
Autores: Tradición oral y Carlos Alba
Interpretación ya igüa de textos: Carlos Alba
Sofitau nos estudios de Servando Fernández (“La mitología asturiana”), Miguel I. Arrieta Gallastegui
(Mitología de Asturias) y Xuan Xosé Sánchez Vicente y Jesús Cañedo Valle (“Mitoloxía. Refraneru asturianu”).
Xéneru / técnica: Teatru d´actor, títeres, marionetes, narración oral, mázcares
Un molineru tresfórmase nel Nuberu con una mázcara basada nel Pantalone de la Comedia l´Arte; o col
sofitu del so galipu, fae remanecer al Trasgu en marioneta, o danciar al Busgosu o Mofosu, y apaecer a la
Xana nuna semeya al vies d´una nube, y al Cuélebre “Cuelebrón” que vive nun cueva.. Basau n´hestories
de personaxes mitolóxicos asturianos, que tienen la so correspondencia col restu mitoloxíes del Arcu Atlánticu,
y cola griega y llatina.
INFRAESTRUCTURA TÉCNICA MÍNIMA
Escenariu: 6 metros cuadraos.
Lluz y soníu: nun ye necesario (espeutáculu adaptable).
Númberu d´alumnau: Máximu de 50 neños/es.