Conseho pa concentra riba cosnan positivo
Anuncio
Articulo pa siman di 13 di december 2010 Conseho pa concentra riba cosnan positivo E trabao di ser mayor ta un trabao cu ta exigi hopi dedicacion. E ta alabez un reto y ta duna hopi recompensa. Pero, tur mayor sa sinti e necesidad di sosten y conseho. Trata mucha cu respet Percura pa bo ta consistente den loke bo ta spera dje Duna compliment pa cosnan positivo Desaproba na manera consistente tur loke bo no kier Siña e mucha cada bez un of dos cos (actividad, regla, etc.) nobo p’asina bo mensahe ta cla y comprendibel Dor di encurasha y guia un mucha na un manera consistente bo ta siñ’e disciplina propio y comportacion acceptabel. Algun manera con nos por yuda Nos rutina diario ta yuda mucha sinti sigur (safe) Nos control propio ta yuda mucha siña controla nan mes: nan kier imita nos Yuda mucha compronde: splica nan e motibo di disciplina y regla E manera con nos ta tolera nan frustracion ora nan ta purba domina un abilidad nobo ta duna mucha e confiansa pa mehora Nos sentido di humor por mustra mucha maneranan bon pa baha tension y presion. Algun manera sensitivo pa concentra riba cosnan positivo di mucha segun nan edad : Baby Mucha di 1½ pa 5 aña un sonrisa riba bo cara encurashamento brasamento, haci dushi pasa man riba su curpa papia papia cuchi cuchi reaccion di adulto movemento ritmo encurashamento atencion un sonrisa riba bo cara brasamento, haci dushi tempo special pa combersacion tempo pa wak televicion / video hunga wega di imaginacion recompensa logronan resolve problema wega fisico reconoce logronan duna stickers Mucha di 6 pa 11 aña encurashamento atencion aprobacion di adulto aprobacion di amigonan alcansa logronan competencia resolve problema exitonan respet splicacion amistad combersacion ‘one to one’ acceso na computer acceso na televicion / video Mucha di 12 aña pa’riba encurashamento atencion di amigonan aprobacion di amigonan independencia alcansa logronan aprobacion reconocemento publico respet placa pa e mes gasta transportacion acceso na televicion y video forma parti di un grupo tempo pa ta riba computer acceso na Internet competencia social Como regla general por sali for di e punto di bista cu un mucha mester di hopi atencion positivo: si, por ehempel, bo duna atencion diez biaha e mester ta 9 biaha atencion positivo y solamente 1 biaha atencion pa algo negativo. Kier men, concentra riba e positivo di e mucha. Lo bo ripara un diferencia sigur! Algun tip di oro! Dirigi bo disciplina riba e accion. No usa disciplina pa tormenta un mucha. Usa disciplina na un manera logico. Haci’e sensitivo. Evita laga cos sali for di man dor di, por ehempel, reparti tarea den cas. Evita bira asina negativo cu ningun hende no ta ripara mas ora bo duna straf. Percura pa bo reglanan y strafnan ta cla y husto. Asina e muchanan lo accepta e consecuencianan. Respeta. Insulta of dal mucha no ta yuda. E ta pone nan pensa riba benganza, no riba solucion. Usa disciplina na un manera consistente. No permiti algo awe si, y mayan no. Splica bo accionnan. Haci di disciplina algo priva si esaki ta posibel. Ta cauteloso ora bo tin cu disciplina un mucha den publico, dilanti otro hende. No pon’e sinti chikito (denigra). Fuente foyeto “Parenting Tips” - NAPCAN. Pa mas informacion of pregunta tocante educacion di mucha di 0-12 aña por acerca Fundacion Pa Nos Muchanan libremente na Cumana 2, telefon 583-4247 / 588-0856, fax 583-5658, e-mail: info@fpnm.aw
