Komunikado di Prensa

Correspondentie adres:
UNKOBON
Postbus 194
Bonaire, Caribisch Nederland
Email: info@consumentenbonaire.com
Website:www.consumentenbonaire.com
Kamer van Koophandel 8210
Komunikado di Prensa
Unkobon ta konsiderá huisio di fondo kontra WEB
Union di Konsumidó Unkobon ta sondia opinion di su miembronan riba e pregunta si
mester entamá un huisio legal di fondo, un asina yamá ‘bodemprocedure’, pa rekobrá e
sumanan ku a paga di mas riba e resibunan di òktober i novèmber 2012 di e kompania di
awa i elektrisidat WEB N.V. Un huisio di fondo ta parse e úniko forma pa e konsumidónan
por kobra lokual WEB mester paga nan bèk.
Unkobon tu un asosiashon di konsumidó. P’esei Unkobon ke konsultá ku su miembronan
promé ku tuma un paso drástiko asina. Dia 27 di dezèmber 2012 Unkobon a puntra su
178 miembronan si nan ta sostené un huisio di fondo, i si ta asina, si e huisio legal
mester keda entamá solamente na nòmber di e miembronan registrá di Unkobon òf na
nòmber di tur konsumidó na Bonaire. Miembronan tin e oportunidat te ku 10 di yanüari
pa reakshoná.
Gesto di WEB: paga bèk solamente 13%
Den e veredikto di 29 di novèmber 2012 di e huisio sumario ku union di konsumidó
Unkobon a entamá kontra WEB, wes a indiká ku e resibunan di WEB di òktober i
novèmber en realidat tabata muchu haltu.
Relatá na e veredikto aki, WEB a ofresé pa paga bèk un suma fiho di $ 11 pa kada
instalashon. Riba esaki, Unkobon a kontestá dia 7 di dezèmber 2012 ku e proposishon
pa paga kada kas e suma fiho di $ 50 bèk, lokual ta e averahe di e sumanan ku a paga
di mas. Riba 14 di dezèmber 2012 WEB a rechasá e proposishon di Unkobon, bisando ku
e situashon finansiero di WEB no ta duna espasio pa paga mas ku $ 11 bèk na kada
instalashon. Segun WEB, nan gesto lo a enserá un pago di $ 100.000 i esei ta e máksimo
ku nan por debolbé.
Konseho di Union di Unkobon ta haña e oferta pober di WEB aki sosialmente inaseptabel
i indigno di un kompania di gobièrnu. Direktor di WEB, señor Vogelesang, a deklará den
korte, ku e subida di tarifa di WEB ta generá un suma adishonal di $ 600.000 pa luna. Ke
men ku klientenan di WEB a paga aproksimadamente por lo ménos $ 750.000 di mas den
e periodo di promé di sèptèmber te ku 17 di òktober 2012. Aunke ku por konsiderá e
oferta pa paga $ 11 pa kada instalashon bèk komo un atmishon di WEB ku el a aktua
robes, tòg e kompania ta bolbe demonstrá ku e tin tiki sentido di responsabilidat pa
komunidat, pasobra su oferta no ta mas ku 13% di e suma total ku e debe su klientenan.
I esei, frankamente bisá, ta un insulto. Ku su proposishon Unkobon a mustra bastante
komprenshon pa WEB, pasobra esei lo a kosta WEB mas o ménos $ 400.000, lokual ta 53
% di e suma ku WEB a kobra su klientenan inhustamente.
Despues di 10 di yanüari 2013, Union di konsumidó Unkobon lo disidí ki ta e siguiente
akshon ku e lo bai tuma.
Unkobon
UNION DI KONSUMIDÓ- CONSUMENTENBOND-CONSUMERS UNION
Secretariaat:
Tel:+599 717 4318 Fax: +599 717 4518
PObox 194 Bonaire, (Caribisch) Nederland
Bank Bonaire MCB 406.104.07
Bank Nederland ABN AMRO 44.23.86.761
(derdenrekening Consumentenbond)