barasano - Alto Comisionado para la Paz

BARASANO
Adobahiro tuhato yiehare
24.08.2016
BESUOKA HEDIATO YI~RA ADOBAHIRO BAHIATO YITUHARE TO YI~KOARI
OKAYOHARI ~BADO ~YA ~BUORṫGO-ROTI
GOTI~RIHO-KɨTISE
Febrero 23 ~yaro to yi~koari 26 agosto 2012, ti watohere ~kadɨhɨ ~gaberi
~yagohedirere tɨo~ia boa~da, to~koro bɨsa~de besuoka ~ku-roti ~yaha yiyu~ba
Habana~hɨ, to yi~koari Juan Manuel Santos, ~baka-roka gawa, to yi~koari
gaheroa~da gawa ~ida roti~koa-ria~ra. To yia~da adobahiro~de bahiato besuoka
~bado yiehayu~ba, to yi~koari paperatutiri wawitu yituhayu~ba gaheroa~da ~kede
Noruega~da, to bahiro~de bahiato yiehayu~ba. Adobahiro bahiriotoha ~ida yiria~rɨbɨ
ehahare octubre 18/ 2012 ~yari ~rɨbɨre ~gaberi ~yagohedi-yu~ba.
colombiahɨre rotirituti (constitución política) ti ~yagorore bahiro bahiroti ~yaha, rohose
yiekobe~da ~ya ria~raba.to yi~ra gaheroa~da. Adobahiro tuhato ~ida yiriahɨ hɨdore
bahibeti~koa-to yire ~badi-riotoha. Okahoyari ~bado ~yarasa yiriahɨ hɨdore ~robia,
~riabasa, ~basa ~hudari ~yaro ~koro, ~babara, africawadiria~ra hediro ~iarɨdɨ
eokoriatoha. Colombia~da roti~ra to yi~koari ~baka-roka gawa, to yi~koari ~bakada
besugawa ~raka Adobahiro tuhakahɨ yɨa:
To ~korode besuoka tɨhato yɨa yi tuhakati ~yaha to bahiri kɨ~bari besuoka ~bado
~yabɨorɨ-roti ~ya-hare. Rotiri~basa to yi~koari ~baka-roka gawa yɨa wawitu yikati
~yaha besuoka hediroti, to yi~koari okahoyahari ~bado ~yabɨorɨgo-roti.
SɨOSE
Kohohi ~behe ~gaderi ~kadabu boaa~da rotiri~basa gobierno to yi ~koari ~bakarokagawa adobahiro tuhakahɨ, to~korode besuoka yi okayoha ~yasere ~ku bɨsato
~badi ~gaberi yiekokahɨ.
besukare ~kadabua boare hedise yiriaro yaha, ~ya sɨose, ~keda beto besuoka
okayohari bahi ~keda beti bahi wakati tusari ~yaha. ~haara colombiano~a to yi~koari
rohose gaherori waria~ra ~agu-rea ekoria~ra, ~sig~behe riharia~ra, ~basiabado
riharia~ra, ~dokoro ~haara dake~ra, ~robia, ~babara rohose yieko sɨoadihare,
bohabeaha besuokare ya colonbiahɨre.
To bahi~koari ~yaha ti rikati tɨo~ia roti~yaha. To bahiri okayari ~bado ~yabɨorɨgo roti
~yaha yoaro, hedi~ra colombia~ada. ~kedaro ~basa kɨti waroti hɨare tɨo~ia roti ~yaha
adobahiro tuhato yiehare hɨdore, ~basa ~ida bohatɨo~iarore bahiro ~idare eha~rebo
tiroti ~yaha.
~YA-GODASE ADOBAHIRO TUHATO YIEHARERE GOTISE
Adihɨ kɨoaha ~ya-godase adobahiro tuhato yieharere gotigodase Habana ~ida yirohɨ
rotiri~basas to yi~koari ~baka-rokagawa ~raka ~gaberi ~yagohedi ~ida yirere koho
~abo hedi gahe ~abo koha ~hedi-tuaro ~yari hɨɨri to ~korode besuoka hediato yiehare
to yi~koari okayohari ~bado ~yabɨorɨgo-roti ~ya-hare.
1
RIKATI ~YA WASOA WAROTI: TUDIYI~KEDO
Besuoka tudi bahibeti ~koato yi~ra to yi~koari okayohari ~bado ~yabɨorɨgo- roti ~yahare, tudi yi ~kedo rikati ~ya wasoaroti ~ya-hare.
~kedaro ~basahudari ~yarokorode, ote oteri~basa, ~gahera ~kede ~gahada-bio
eko ~beda ~yaato yi~ra.
~rotiri ~basa ~kede ~ya kudi~koa, ote otereayere ~kede ote bare kɨti ~ya-to yi,
~baka-rokarire ~kede kode, to yika yi~ra bare kɨti bahiroti ~ya-hare.
godo~bakari ~basa ~ida ~yare kɨti-se ~yaha yi tɨo~ia ekoaha.
~basa ~ida ~yare kɨtisere ~abi habɨaha, rohose besuoka ta~bɨ ria~ra ~ya-hare.
I.sita kɨo~koa to yi ~koari ~boare kɨti ~koa
Ote oteri~basare sita batoroti ~yaha yi ekokahɨ kɨobeti o kɨo ba~rare ~kede 3 millones
eyase ~ya sɨori hɨaabo ~koro ~yari kɨ~barire.
Ti ~gahoa adiaye bɨhɨriotoha: (1) rotiboare hediase; (2) ~ya-ria hɨri tudi ~abire
~yarugu riahɨrire o ~ya ~badi hɨrire; (3) yukɨri ~kea bneti yi ~ia kodere; (4) rotiboare
hediase suori bahise; (5) sitare kɨoboa ~ida yireare ~ida boharore bahiro.
Gahe eha-rebo rotire ~kede ~ia eko riotoha.
Sita kɨo ɨha ~ida rotirore bahiro.
~boari ~basare tɨo~ia wato yaaha ~robia ote ~ia ~rɨdɨri ~basare, sita kɨobeti to
yi~koari ~bohoroaka kɨorare.
Sita kɨo yi~raba ~kedaro ote bɨhɨo ~basi to yi ~koari ~kedaro bakati yiroti ~ya-hare,
to bahiri kati ~keda roti, buere, wikɨtire ote ~gaberi ~isi waso yi gaheu~di bɨharoti ~yahare.
~kedaro sitare kɨo rotire ~ya-hare, ~kedaro bɨsa tɨo~ia rotire ~wado rohose
bahibetiroti ~ya-hare adobahiro tuhakahɨ.
Ote oteroti tu~kuri ruheo gahe ~keda bɨsaro okayohasere ~kedo roti ~ya-hare.
Adobahiro sitare kɨo ~ya ria~raba yisere ruheo ~koa to yi ~koari ~basa ~ida ~yari
haɨrire tɨo~ia ~wada.
Adobahiro ~boare kɨtire ~ya riotoha ~ida yiri haɨrire ~gaberi ~kadabua ahi ~ia ~koa
adobahiro ~boare kɨti ~ya ria~raba ~badi yirotire gobierno~raka ~basa ~kede ~ida
gaheu~di kɨose hediro.
Sitare ote ote~koa, tihɨ~de yi ~basa kɨti ~ya yire waha wahayi~koa yisere
bahiroti~koa hairo tɨo~ia ~bɨorɨgo ~koari koha ~abo hedi gahe ~abo hɨa hedituaro
~yari ~kɨbari haɨre bahisɨo riotoha.
~basa ~ida ~ya kedikearihaɨrireote bare kɨti ~yase rikati ~ya riotoha . to bahi ~koari
gahehaɨri~ba yi eko betiriotoha.
Ote oteri~basa ~ida bare kɨti to yi~koari gaheu~di kɨo ~ida yiroti ~ya-hare.
III. Adi yiriɨkɨha yire.
hɨa~bo ~koro ~yari ~kɨbari watore rohose gaheu~di ~badi-reaye ~kede hedi
bɨsariotoha, rɨharo 50%, to yi ~koari rɨhariotoha kohoro ~koro ~ya beti ~beti ~kede.
~baari warotire ~kede ~kedo ekoriotoha to yi~koari ~kedaro bɨsaro asisere ~kede
kɨo ~koa internet~re ~kede kɨo ~koa bahi ria~raba yi ekoaha.
~basa ~ida kɨo ~ya roti ~kede ~ia ~isi ekoriotoha ti ~yaha ti kati ~kedare,
buereaye, wiri kɨtire to yi~koari okoaye.
~kedaro ~boare kɨti yi ~yato o yaato ote oteri~basa to yi~koari ~ida ~iarɨdɨ roti
~kede ~ya riotoha. ~ida ote bɨhɨose ~gaberi ~isi wasoa yi gaheu~di ~ida bɨharoti ~yahare.
~gaberi hua~kadabu ~basa ~ida yi ~yase gahe ~raka ~keda bɨsaro yi ~bɨharɨgɨ
waharo yi~ra.
III. ~basa ~kede bare kɨti yi to yi~koari bakati rotire bahiroti.
Rohose bare babɨha beti o wisi~ra bahisere ~ia boa~da to ~koro bɨsa~de bahiato
yi~ra ~ida tɨo~ia bosare to yi~koari hai bɨsaro ote bɨhɨo bare kɨti yi ~ya-rotire, ~kedaro
barere ~iarɨdɨ-roti ~yase ~ya-hare.
IV. ~boare hairori ~ida yiroti ~basare tɨo~iara.
Rohose ta~bɨo rihaɨrire ~boare ~ku ~koa to yi~koari okayohari ~kedabeti bahirihɨ ~yahare. Hairo ~gahoa eha~rebo eko riotoha.
2
ADOBAHIRO TɨO~IAHA YIROTI: OKAYOHARI ~BADO ~YA-ROTI ~YA-HARE.
Okayohari ~bado ~yarasa ~badi yiha~ba ~ya-sɨose ~hara ~basa ~badi ~ya-sere
~iaia ~koa ~do bahiro tɨo~ia ti ~idaba, ~yeudire boha tɨo~iati, to yia~da adobahirore
tuhato yieharoti ~yaha ~gaheraba rikati tɨo~iara ~yaba.
I. Adobahiro hɨa tɨo~iaha yi~rare ~kede ~iarɨdɨ roti.
waria~raba okagotikudiri ~basa adire yɨa~ba kɨdi beaha yi~ra to yi~koari bɨto ~basira
~baka-rokagawa ~bakaada besugawa, adobahiro bahiato to yiha~ba yiria~ra tire
~iakoari gobierno ~kedo ria~raba rotirihɨ (ley) to waria~raraka.
II. Tɨo~ia reayere ~ida bahirotire koderoti.
tɨo ~iarare kodese ~ya riotoha, ti kɨoriotoha adi: a) rotise; b) bahiro be yi~ra wadore;
c) ~kɨdi ~sare; d) ~iakoa to yi~koari ~ia siyaroti.
To bahiro~de rotiri ~basare ~kede ~kedaro ~boare kɨti waroti ti ~ya-hare.
III. Adobahiro bahieha~rebo ria~raba hedi~ra.
Ti bahi ~ya-sere , ~basa ~ida ~yare kɨti sere ~ida bahiroti to yi ~koari adobahiro
yiroti ~ida yikɨdi roti.
~basa ~boare kɨti ~hudari. ~ida yiriotoha ~gaberi ~tagihedi to yi~koari rotirihɨ ~kedo
yi~rasa yi~ra, to bahi~koari ~ida ~kede bahieha~rabo ria~raba gahe ~ida yirore
bahiro, to bahiri rotiri ~basa (gabierno) ~iaia tire ~kedo yiria ~raba ya.
~yagokoarehɨ bahiehaɨ~rebo ria~raba ~basa hedi~ra.
~yagokoare-hɨ ~boarare ~idare buere ~ya-riotoha ~idare ~gahoa ~ya-riotoha
okayohari ~badi rotire ~ida ~yago kudise ~ya-hare. To bahi~koari adobahirore bahi
~bɨorɨgo roti ~yaha adi hɨdore okayohari ~badi bɨsaro.
~kedaro ~gaberi baba kɨti roti ~yaha ~ye oka ~bado.
Oka ~bado kati roti ~ya-hare goti ~basioribasa ~ya ria~raba roti~rare babakɨti~ra,
hairo bahi ~ya-sere ~kedo ~koa , tire ~boakoa. To yi~koari ~gaberi ~rɨkɨ bɨoroti ~yahare.
~basa ~iarɨdɨri hɨ.
Rotiri ~basa (gobierno) ~ku ria~raba eha ~rebo roti, ~keda to yi~koari ~iarɨdɨ ~yarotire, ~basa ~kedaro ~ida ~ya-rotire yigɨ.
Adobahiro tɨo~iaha yɨa yirere to bahiro~de bahi ~bɨorɨgo ~koato ~boare kɨti ~yaroti.
Adobahiro yiria~rakha yiekorere ~iare ~ya-riotohato yi~koari ~basa ~ida ~yare
kɨtihɨrire rotiri ~basa ~raka adobahiro ~boabɨorɨgo ~rasa yiriahaɨrire bahieha~rebo
roti.
III.adobahiro yiria~raha ~reto bɨsaro bahieha ~rebo-roti ~ya-hare
Kohoro ~koro hedi~rahɨde ~ida tɨo~ia sere goti ~basio ~ida yiroti ~ya-hare
~gahoa eha~rebo ekoria~raba adobahiro ~boare kɨtire ~ya riotoha yiri ~basa to bahi
~koari adobahiro bahiahati ~ida yi kudiroti wahari ~kede.
~kedari oka~de waitu to yi~koari adobahiro bahiato ti yire.
~hara bɨsa bahieha ~rebo ~ida wai turi hɨrire to yi~koari to ~ida bahiroti ~hurire ~isi
kudi yiri ~basa ~kede wakudiroa~da yi~raba rohose bahi ~rugu riahɨrire, ~keda
bɨsaro yi ~boare kɨti yi~ra ~do bahiro yi ~basiabadi ~ida gawa yi ~koa sehɨ.
~kedo kea waitu rotihɨrire to yi~koari adobahirohɨa tudi yito ~badi yire.
Adi hɨdore ~ba ~keda bɨsaro bahiroti ~ya-hare rotiri ~basa tire hua ~kedo
adobahirore tuhaha yi ~basare ~dare goti~basio rotire, to yi~koari bɨto tiu~di ~re
~basira adobahiro bahiaha ti ~keda bɨsaro bahi ~bɨharɨgɨ waroti ti ~ya-hare.
Adohiro yi ~gaberi baba kɨti ~reto bɨsaro bahieha~rebor-roti ~ya-hare.
Ado ~korode bahiriotoha ti ~ida yire buereayere tɨo ~basi yi ~koari roti ~basikoa, to
bahiro ~de ~robiokede so bahiroti ~ya-hare.
adobahiro~de bahiriotoha okayohari ~bado yi tɨo~iare.
16 ~yase adobahiro tuhariotoha cámara ~ida wawituroti ~ya-hare hɨa ~kɨba
gaheroa~da rohose ~tabɨo ~rugu riahɨrire ~ia eko be~da ~ida bahi ~rugu riahɨrire.
3
OKAYOHARI TɨSARI
ROHOSE HEA ~RAKA TO YI~KOARI BESU ~GABERI ~KADABU YIRIAHɨ
HɨDORE BESU ~KURE
Ado ~ida adobahiro tuhato ~ida yiehare to ~korode besuokare~ba hediato ti, to bahiri
~keda betikoahɨ, to bahika yiro ~keda beaha ~basa kɨti ~ya boasere.
To yirore bahiro ~ida kɨdi ha~ba adobahirore ~basa kɨti bahi ~ya-ria~raha ~badi,
besuoka ~badi bɨsaro~de besu ~bada ~ida ~ya-sere bohaha.
ONU ~ida yi~ra besure boka~abiaba ~baka-roca gawa ~ida ~isi sere, adobahiro bahi
~basi-kahɨ ~ida yise~udire ~ida yiroti.
22 tu~kuri ~ida ~ku ekoaha ~ida ~basa kɨti ~ya-roti haɨri, adobahirore bahieha ~rasa,
to yi~koari adobahirore bahi ekoriotoha ~ida yi~kɨre bahiroti ~ya-hare.
Koho ~abo hedi gahe ~abo hɨa hedituaro ~yari haɨri gotirise kɨoaha adi adobahiro
tuhato ~ida yiehare.
I. sɨose
kɨoaha ti yi~rasa ~ida yiria~rɨbɨri 180 ~yari ~rɨbɨri.
To bahi~koari adihaɨrire tuha ria~raba ~ida yiriahaɨrire tihɨ ~yato yi kode eha~rebori
~basa rohose ~gaberi bahi boroha ~yira.
II. Besuoka ~boakoa tihɨ hɨdo besu ~isikoa yirere rotise.
gahehɨri ~yaha ~ida ~boatua betiroti.
Adobahiro tuhato yiriahɨ hɨdore rohose bahirobe yi~ra.
III. ~iarɨdɨre rotiaye to yi~koari hɨdo ~iaia roti.
~kedaro yiha~ba rotiri ~basa (gobierno), ONU to yi~koari ~baka-rokagawa
adobahiro tuhato yiehare to bahiro~de yieko boati yi~ra siyari ~basa.
Besu ~ku riaro hɨdore ~iaia roa~da yaa~ba gaheroa~da.
To bahiro~de ti bahi ~bɨorɨgo ~keda ~ye ~bado bahiroti ~ya-hare to bahiro
bahiahayise ~ya ~bɨorɨgo ~koaha.
IV. ~ida ~yari haɨrire ~kedaro bahiroti.
Adobahirore ~idare rotiriotoha ~ida yi~kure ~yakoa, to yi~koari ~ida ~ya-roti haɨrire
~kedo yi ~koa yiroti.
V. Gihose ~bado
~kedaro ~ida ~ya-roti ~ya-hare ~ida kodese ~ya-riotoha.
Ti ~yaha ~ida ~sa hua waroti, ~boa roti to yi ~koari rohose yiro~ba yi~ra.
VI. Yi eha~rebore.
Adobahiro yi waria~raha ~badi ~keda bahi waharo yi~ra besuoka ~bado ~yarasa to
yi~koari besu ~kuriaro hɨdore.
VII. Besu ~kure-oka
Besu ~ida kɨosere ~ia siyare ~ku heo ~koa boati yi~ra.
ONU, besure boka huariotoha ~baka-rokagawa ~ida ~ku-sere, ~ida ~ya-ria~raba
~kukoaba, to yi~rasa yi tuhariarore bahiro yiri ~basa.
To ~korode besu kɨotɨharia ~raba, adobahirohɨa tɨo ~ia ~bɨorɨgo ~boare kɨti, to
bahi~koari ~basa ~raka babaɨti ~ida yirotore bahiro.
~BAKA-ROKAGAWA TUDI BESU ~BADA ~YA-ROTI, ~BOARE KɨTI ~YA-ROTI,
~BASA ~RAKA ~YA-ROTI TO YI~KOARI ~IDA BOHA TɨO~IARORE BAHIRO.
Besu ~bado ~ida ~ya-roti bahi ~bɨorɨgo yiroha ~ida ~gaberi baba kɨti ~ya-roti ~ida
bahi tɨo~iarore bahiro, ~yare kɨti, ~ye oka ~bado to ~basa kɨti~raraka.
~kedaro ~ye oka ~bado ~ida ~ya-rotire yiro besu ~kuya yi ekoaha ~bakarokagaware. Rohose yieko be~da ~ida tɨo~iarore bahiro ~yare kɨti ~ida bahiroti ~yahare. ~babara dakebɨsa~ra ~baka-rokagawa ~ida ~yari haɨri ~yarugu ria~ra budi
ria~ra okayohari ~bado ~ya-to ~ida yi sɨoriahɨ hɨdo bahi sɨoria~ra to yi~koari
adobahiro tuhato yiehare, bahi~rare ~ia kode, rohose ta ~bɨorare koderotirihɨ (ley)
1448/2011 ~kɨba-gahɨ ~ida tɨo~iarore bahiro.
Adobahiro tɨo~iaha yɨa ~ida ~kede tudi yiroti.
besu ~ku-riahɨ hɨdore adobahiro yɨa ~kede tɨo~iaha ~ida yisere ~ia ~rɨkɨ-bɨo eko
ria~raba ti rotirore bahiro ~ida kɨdiha~ba.
To bahi ~koari boka~abi ria~raba 19 julio 2026 ~yarore ~ida ~gahoa ti ~raka
yikudiroti ~yare 10% tiayere.
Gahe partido político ti budi ha~ba gahehɨri ti bahirore bahiro~de ~ya-riotoha.
Tudi ~boare kɨti to yi~koari ~basaraka ~ya-roti
Adobahiro tuhato yiriahɨ hɨdore ~ida ~keda ~yaahaba yiri~raba rotiri ~basa besu
~kuriaro hɨdo ~ya-hare.
Besuoka ~bado ~yarasa yiriahɨ hɨdore adobahiro rotiria~raha yirihɨ ruheo yu~ba
~hɨra gobierno ~i ~koariara to yi ~koari ~baka-rokagawa ~hɨara, ~ida ~ya-ria~raba
~boare kɨti yi~ya-rotire ~kedo ~rihoro kɨti adobahiro bahiato ~ida yiriaro hɨdore.
ADOBAHIRO BAHSERE KODEROTI TO YI~KOARI ROHOSE BAHISERE
~KADABUA ~RɨBɨRI KɨTI ROTI
Adobahiro tuhato yiriahɨ hɨdore ~basa hedi~ra kode eko riotoha ~basa ~hudari, ~ida
~boare kɨtise, ~ida tɨo~iarore bahiro. Rohose ~idare yirobe yi~ra ~ia kode eko
riotoha, ~siakoa, ~ida ~basa kɨti boasere ~ebakoa ~idare yi ahe ~yaroba yi~ra.
Rohose yieko ~roba yi~ra koderi~basa.
~kadɨhɨ ~keda beti yi ~ya-riarore bahiro yi~koa ~ya beti boati yio~ra rotiri~basa
adobahiro ~ia kodere ~ya riotoha ~ida yi ~kure ~yaha, to bahi~koari adobahiro tuhato
yieharte ~yaro hɨdore oka ~bado bɨsa~de ~ya ~bɨorɨgo-roti.
Rotigodari ~basa
Rohose yiri ~basare ~ida ~abi ~kabo-to yiri ~basa ~yaaba adi ~basa, adobahiro
tuhato ~ida yiriaro hɨdore.
Adobahiro tɨo~iaha ~ida yisere ~ia koderihɨ~ida tɨo~ia-sere adobahiro ~boare kɨti ~aroti ~yaha yiri ~basare kode to yi~koari ~baka-rokagawa ~kede ~ida bahiha~ba to
bahiro~de ~ida rotiroti ~ya-hare. To yika yi~ra ~basa kɨti ~ya-rotiri, ~gaberi ~rɨkɨbɨoroti hediro.
Hairori kɨoaha adobahiro ~ia kode ~yarasa ~ida yi~kure.
~basare kode roti ~yase.
~ida tɨo~iarore bahiro ~rɨkɨ-bɨosere ~ia ~rɨkɨ-bɨoroti.
presidente~i roti~koagɨ o ~koago.
~baka-rokagawa ~kede ~id bahieha ~rebose waha ~idare ~kede ~ia kode kohoro
~korode ~sigɨ ~i tɨorore bahibɨsaro bahiroti ~ya-hare
Koderi ~basa ya tubua.
Oka ~bado ~ida baba kɨti roti to yi~koari ~ye ~badi ~basa kɨti roti.
~ida ~basude ~kɨdi kɨti ria~raba yire.
~basa ~ida ~yari-hɨrire ~ia kode roti.
ti ~yaha ti ~basa ~ida yi ~yari haɨre boka rohose okayohari bahi kedikea bahirobe
yi~ra kode roti ~ya-hare.
Bahirobe yi~ra kedoyi ~rihoro kɨti, to yi~koari ~ia ~rɨdɨkoa yire.
~keda-beto rohose ~tabɨo-rihaɨrire ~keda tudi bahirobe yi~ra kode ~iarɨdɨ yi
ekoriotoha.
Adobahiro ~iarɨdɨ ria~raha tobahirori ti bahiha~ba.
Koderi ~basa ~yaaba boka koderi ~basa rohose ~idare yiro~ba yi~ra, kohohire~ba
~siara huarudiri~basa hediro bahisere bahibeti ~koato yi~ra.
Adire yieko beti riotoha to yi~koari rohose yi hai~rauda ~yaha ~kede.
~kedaro ~ya oka ~bado ~boare kɨti ~io roti ~ya-hare.
4
KAHI WETA BɨOSE ~BEKɨOSE ~IDA YISERE OKA ~KEDORE.
Adobahiro tuhato yiehare ~raka rotiri~basa to yi~koari ~baka-rokagawa to ~koro
bɨsa~de baise ti yia~badi adi kahiweta ~bekɨosereba ~kuro-roti ~yaroha, rohose
goro~de okayohari yi~yare ~yaha adi godohɨre to bahi~koari ti sɨori~de besuoka
buduore ~yaha, to bahika yiro ~kedaro bahibeaha.
To bahiri ya~ba rotiri ~basa rikatihɨa tɨo~ia roti ~yaha ~kedase hɨa kɨti ~bɨharɨgɨ waroti
~yaha tia. To bahiri ya tire heoto okayoha ~ya-sere.
Adihɨaye adobahiro tuhato yiehare hɨdo ~yase ~ya-hare gotiaha idia~wabe:
I. ~ida oteroti beto~de ote okayoharere oka ~kedore.
Ote gorohɨa ~ida oterotire ~idare ~isikoa yirotire ~kedore.
Bare kɨti yi bakati ~ya-roti hɨare oteroti ~yaha to yi~koari ~ida rotibetire~ba
otebeti~koa, rotiri~basa to yi~koari gobierno tire ~ia siyariɨkɨ~bi.
gahehɨa otewasoa tirire tɨo~ia rotiri.
~basa ~ida ~ida ~ya bedibɨsari haɨrire ~ia kodere ~ya riotoha.
Sita ~ida ɨha~ra kɨti roti ~ya-hare ~ida ~waberaka tuekoriotoha.
Potose ~basare ~kuyu ~ida yiriahɨrire ~ye ~bado ~idare ~ku bosa yiroti.
I. ~ida roti betire kahiweta ~ida kɨose.
~kedaro okayoharioka ~bado, besuoka ~yarasa yiriahɨ hɨdore baise ~bekɨose ti
kahiweta bahi okayoha ~yasere ~ia ekoriotoha, to bahiri to bahi ~yaserire ~iarɨdɨ
yiekoriotoha ti, okayohasere tire oka ~kedokoa yiekoriotha.
Tire to bahiro kɨogɨre ~ire tiu~dire yibesa ~bɨ yiriotoha.
II. Gawa kahiweta ~isi wasori ~basa ~ida yisere ~kede oka ~kedore ~ya-riotoha.
rohose yi oka bɨhɨo wato~ba yi~ra ~idare ~iarɨdɨre ~ya-riotoha.
To ~ida gaheu~di kɨti ~ya-sere ~kede ~idare ~ia siyare ~ya-riotoha.
Rotiri ~basa ~ida yi ~boare kɨti sere ~ida gaheu~di to yi ~koari ~da gaherorihɨ
wasoahua sere ~kede.
Rohose bahisere ~kedo-ria~ra haiseri tɨo~ia waritiri ~yaha.
ONUa~daraka ~gaberi yieho yi~koari ~yagohedi yirotiri hairori ~yahato bahi ~yaserire oka ~kedo ria~ra.
5
ADOBAHIRO TUHAHA ROHOSE BESUOKA ~TABɨO RIA~RAREBA
HɨAHI BAHITUDI BETI~KOATO YA YIRIEAYE.
I. hedi~rare bahi ~yaroti:
hairoriaka kɨo ~ya rihɨ ~yaha adihɨ:
o ~kedaro ~ida bahirotire bɨhabosare.
o Adobahiro bahikahɨ yisere gotiheo ~koare.
o eha~rebo-rihɨre ~sayarare kodere ~ya-bosaroti.
o ~kedaro ~basa kɨti ~yarotiri to yi~koari hɨahi bahi tudibetiroti.
- ~kadabuare: to bahisere ~kedaro adobahiro yihare ~kedariaha yi ~iabasi yirotiri.
- hedirohɨ: kohoro ~korode ~gahire ~bohoroaka yibeto~de hedi~rahɨre roti
hedi~koariotoha.besuoka yibeti boari ~kede gaheri rohose yiria~ra ~ya-hare.
- bahieha~rebore: rohose ~tabɨo ria~ra hedirohɨ~de
II. adobahiro bahiriotoha tihɨaye.
1. ~kedaro babakɨti ~yaroti to yi~koari tudi bahibeti ~koato yire.
rohose ~tabɨo ria~rare ~kedaro ~idare yiroti.
Adobahiro yirotire:
~kedaro ~idare koderoti.
Rohose ~tabɨo ria~ra ~yaaba yi ~rɨkɨ bɨoroti.
~kedaro ~basa kɨti ~ya-roti ~ya-hare.
2. yayiria~ra ~baka rotiaye besu~basa ~ida hɨa yayi waria~rare:
tire yibosari ~basɨ tihɨaye ~gaho ~ida ~kurere eha~rebo ekoriɨkɨ~bi. To yayiria~rare
~bacari ~basɨ ~ya riɨkɨ~bi. Ti ~basɨ. To bahhiri ~kedaro ~ye oka ~bado ~ida kati
~buharɨgɨroti ~ya-hare bɨto tiu~dirire adobahiro bahiriotoha yieha~rebogɨ.
3. Okayohari ~bado ~ya-rotire~ba ado ~koro ~ya-riotoha:
okayohari ~bado ~yato yise oka ti ~yaa-hare ado ~korore ~iarɨdɨ ekoriotoha,
rohose ti bahiro ~ɨdo ~yahaba ~ire goti ~basiokoa rohose ~i yire ~ya-hare.
To bahiri rohose ~basare bɨose yiahere ~badi boariotoha, bahiboari~kede to
bahiro~de ti bahiha~ba tohɨ ~basi-riotoha.
Rohose yikahɨ yigɨ ~boa rotiekoriɨkɨ~bi ~bakari ~kedo reaye to ~i yibetiha~ba ~ire
~yeaso rohore ~ya-riotoha 15 o 20 ~yari ~kɨbari.
~hara gawabɨkɨ~ra ria~raba to bahisere ~ia kode ~yara.
4. Adobahiro yiria~raha ~badi okayohari ~badi ~ya-riaha~ba:
Besuoka okayohari ti hediha~ba ~kedaro ~basa kɨti ~yaroti ~yaha ~ida yi tɨo~ia
riarore bahiro, rohose ~tabuora ~kede ~ya ~bado ~ida ~ya-roti.
Rohose ~tabuo ria~rare eha~reborotirire ~iaia rotiri ~yaro yiroha.
~basa ~ida tɨo~iarore bahiro bahi ~bɨharɨgɨroti ~ya-sere. To yi~koari ~kedaro baba
kɨti rotiri, sita ~eba ekoria~rare ~idare tudi ɨho yirotirire ~kede tɨo~iarotir ~yaha.
5. Bahi tudi beti~koa-to yi eha~rebore:
Adobahiro bahiriotoha tudi rohose bahibeti ti ~yahare ti ~rɨbɨhɨ ~ida yi sɨoadire ~yaro
hɨdore adobahiro ~badi yiha~ba ~kedaroha ti ~gaberi adobahiro ~ya to ~ida yire
~yaha ti.
6. Adobahiro ~gaberi ~rɨkɨ bɨo ria~raha ~badi yi tuhare:
Rotiri~basa tudi gotia~ba rohose ~tabɨoroba yi~ra. Okayohari ~bado ~idare kɨo to
yi~koari ~idare kode, ~rɨkɨ bɨo yi~ra ~yaaba.
~baka-rokagawa yi~kaba yɨa rohose yiwadikatore bahiro yibetiria~ra ya ~basa ~ida
~yare kɨti ~yaserire ~ia ~rɨkɨ bɨo yiria~raha ~ye oka ~bado.
6
ADOBAHIRO ~BOAKOA TO YI~KOARI TIRE ~IAIAKOA YIRE
To bahiro ~ida tuhariaro bahiato yi~ra, adobahiro yi~rasa yi ~kukoa tire ~ia siya~koa
tudi ~iaiakoa adobahiro tuhaha ~badi ~ida yiriarore bahiro.
I. Adobahiro yi~rasa ~ida yirere ~ia siyari ~basa.
Idia~rari ~ya-ria ~raba gobierno ya~ra to yi~koari ~baka-rokagawa ya~ra
adobahirori ~boare kɨti ~ya ria~raha ~badi ~ida yi ~ku riarore bahiro tire ~ia kode
siyaro~da. bogotahɨ ~wada, adire bahibeti ~koato yi~ra to bahiro~de bahiato.
To wadiri ~basa ~boare kɨti ~ya-ria~raba: (1) rikatiri bahisere to yi~koari to
bahiruyuasere ~kede tire oka ~kedo yiri ~basa ~ya-ria~raba, (2) hedi~ra ~basa ~ida
bahiehabɨa roti ~ya-hare ~kedo ria~raba.
II. Adobahiro ̴ boarasa yirihɨ
CSVR ̴ ida yirihɨ ̴ gaberi ̴ yagohedi to yi ̴ koari adobahiro bahiato ̴ boa ̴ bɨharɨgɨ roti
rotiri ̴ basa ̴ ida rotirore bahiro.
̴ boare kɨti ̴ yare hɨa ̴ abo ̴ koro ̴ ya-riotoha to yi ̴koari kɨoriotoha adobahiro tɨo ̴
iakoari ̴ ida yirotore bahiro, adi eharia ̴ra yaha, adi bahiriotoha, adobahiro
gotiekoriotoha, to yi ̴ koari tire ̴ boare kɨti ̴ ya-rotire ̴ robiare ̴ kede ̴ ida tɨo ̴ iarore
bahiro, ̴ ida boharore bahiro kɨti ̴ yaha.
CONPES ̴ ida kɨdiekoro yiroha tiaye ̴ gahoaraka ti ̴ ida ̴ boare kɨti ̴ ya-roti ̴ ya-hare.
PND ̴ ida yirihɨ ̴ kede ̴ ya riotoha to adobahiro yi ̴ boare kɨti ̴ ya-ria ̴ raha yiekore ̴ yahare.
III. ̴ basa ̴ ida ̴ yari haɨrire ̴ gahoa ̴ sahari sere adobahiro yiekoriotoha.
Adobahirori bahi wariotoha tudi ̴ keda yiruheo SGP aye ̴ raka ̴ gahoa to yi ̴ koari SGR
adobariho tuhato ̴ ida yieharere adi ̴boare kɨti ̴ ya-roti ti ̴ ya-hare.
IV. gahe yikodese
Gaheu ̴ di bɨkɨahɨri ̴ kede bahieha ̴rebo riotoha. adobahiro tuhato yieharere yi
eha ̴rebo to bahiro ̴ de ̴ basa ̴ ida ̴ yari haɨri ̴kede.
rohose yiekorobe yi ̴ ra adobahirore yi ̴rasa yisere ̴kede yiekoriotoha adobahiro
tuhato yiehariahɨ hɨdore.