Ministerie van Financiën

Ministerie van Financiën
INSPECTIE DER BELASTINGEN CURAÇAO
Inspektor di Impuesto ta partisipá lo siguiente:
Indikashon di preis inkluso impuesto riba benta (OB)
Entrante 1 di yanüari 2014 tur komersiante mag di ofresé produkto i servisio solamente na
un preis inkluso impuesto riba benta (OB), e asina yama preis di konsumido*. E maneho di
indiká preis kaminda e preis ta sin impuesto riba benta ta prohibí. E sistema di menshoná
preis dòbel riba e produkto o servisio kaminda ta pone preis ku i sin impuesto riba benta no
ta ser permití mas.
Ta resultá ku ahinda tin algun empresario ku ta usa indikashon di preis ekskluso OB o sea nan
ta mantené preis dòbel. Manera ta indiká aki riba, e sistema aki no ta pèrmití. A trabes di
esaki e empresarionan ey ta wòrdu yamá pa imediatamente ahustá nan indikashon di preis.
Si un komersiante ta mantene den su indikashon di preis un preis ku ta ekskluso OB, e ora ey
nos ta papia di violashon di ley. Pa e violashon di ley aki por haña un multa di kategoria 3
(máksimo Naf 10.000). For di awor ta bai tene kòntròlnan riba indikashon di preis inkorekto i
-segun ta nesesario- lo sankshoná ku e multa ariba menshoná.
Indikashon di preis ta nifiká: Tur manera riba kua ta presentá e preis di servisio i produkto na
konsumidó, kliente o kumpradó. No ta trata solamente di e preis manera p.e ta wòrdu tresé
riba e produkto, pero tambe riba e preis ku ta pone riba di menú, den aviso, foyeto di
propaganda, oferta etc menshoná.
Pa mas informashon tokante indikashon di preis por tuma kontakto ku e departamentu
konserní di Impuesto riba benta na Servisio di Impuesto, telefòn 734-2550 o por pasa
tambe na lokèt 9 di Servisio di Impuesto. Tambe bo por lokalisá departamentu di Impuesto
riba benta na: preguntaob@gobiernu.cw.
*
Pa komersiantenan ku ta bende prinsipalmente (mas ku 70% di benta) na otro komersiantenan, tinbou di
sierto kondishon un eksepshon.