RCN Infokrant 14-03 PAP.indd - Rijksdienst Caribisch Nederland
Anuncio
turo untu riba fu Trahando h Karibense di Hulanda This information bulletin is also available in English Mart 2014 EDISHON 20 BOLETIN INFORMATIVO B O N E I R U, S I N T E U S TAT I U S I S A B A E Boletin Informativo akí di Rijksdienst Caribisch Nederland (RCN) ta ofresé informashon tokante e Lei General di Penshun di Behes (Wet Algemene Ouderdomsverzekering). Un di e tareanan di RCN/Unidat di Asuntunan Sosial i Labor (RCN/Unit Sociale Zaken en Werkgelegenheid) ta pa ehekutá e Lei General di Penshun di Behes . Den e Boletin Informativo akí tin tambe informashon importante pa studiantenan ku ta bai studia na Hulanda i informashon di ZVK (Zorgverzekeringskantoor). Informashon importante pa alumnonan ku ta bai studia na Hulanda Desde 1 di sèptèmber 2013 e lei di Kalidat den Diversidat enseñansa avansá (Kwaliteit in Verscheidenheid hoger onderwijs - KiV) lo drenta na vigor. E meta di e lei akí ta pa krea un mihó konekshon entre studiantenan i institutonan di enseñansa (‘e studiante korekto na e lugá korekto’) i redusí eskoho robes di estudio i ‘drop out’. E lei nobo di KiV tin konsekuensia pa kada alumno na Hulanda Karibense ku ke sigui un estudio di hbo òf universidat na Hulanda despues di mbo4-, havo òf vwo. Kua ta e kambionan di mas importante? 1. A adelantá e fecha di inskripshon Studiantenan aspirante ku ke bai studia den e aña eskolar 2014-2015 na un instituto di hbo òf universidat na Hulanda, mester inskribí na e instituto di enseñansa di eskoho personal pa mas tardá dia 1 di mei 2014. E kandidato studiante ku inskribí pa promé bia te despues di 1 di mei no tin derechi di atmishon, si e instituto a regla esei asina pa e estudio en kuestion. E instituto ta disidí e or’ei tokante e atmishon. Un studiante aspirante ku a mèldu despues di 1 di mei lo mantené e derechi di atmishon solamente si ta trata di un situashon den kua e studiante, a base di un konseho di estudio, a mèldu pa un otro estudio for di esun anterior. 2. Kontròl di eskoho di estudio Studiantenan ku mèldu promé ku 1 di mei 2014 tin derechi riba un supuesto kontròl di eskoho di estudio, kual lo sigui ku un konseho tokante eskoho di estudio. E kontròl di eskoho di estudio tin komo meta pa mira si e estudio di eskoho di bèrdat ta pas ku e studiante aspirante. Institutonan ta obligá, en todo kaso ora un studiante pidi esaki, na ofresé un kontròl di eskoho di estudio. Institutonan por obligá studiantenan pa hasi e kontròl di eskoho di estudio akí. E estilo di e kontròl por i mag diferensiá di instituto pa instituto. E por ta un Punto di salida di e lei nobo ta ‘e studiante adekuá riba e lugá korekto’ kòmbersashon (via Skype òf telefòn), estudio di prueba (proefstuderen), un lista digital di pregunta òf un otro forma. Den lei ta pará ku institutonan mester sòru pa studiantenan di e parti Karibense di Reino partisipá na e kontròl, sin ku nan presensia físiko ta nesesario. E informashon kompletu tokante e lei nobo akí ta disponibel riba: h�p://www.rijksoverheid.nl/ nieuws/2013/07/10/wetsvoorstel-kwaliteit-in-verscheidenheid-aanvaard.html 3. Prueba di atmishon AMN pa studiantenan di mbo 3 i mbo 4 Lo hasi un prueba di atmishon den e lunanan mart i aprel di e aña akí serka alumnonan na Hulanda Karibense ku ke hasi un estudio di mbo di nivel 3 òf 4 na un instituto di mbo na Hulanda Europeo. Kasi tur instituto di mbo na Hulanda ta hasi uzo di un prueba di atmishon, pa por disidí si e studiante ta adekuá pa e estudio ku e ke sigui. Banda di esei, e skol tambe ta uza e prueba di atmishon pa por disidí kua estilo di guia ta pas mihó ku e studiante. Banda di e prueba di atmishon, e alumnonan di Hulanda Karibense mester hasi un prueba di imáhen di trabou (Beroepsbeeldtest) i un prueba di idioma i di matemátika. Ta uza e instrumentonan akí pa hasi un balotashon di e nivel di e alumno pa e estudio di eskoho di mbo. Normalmente ta pidi alumnonan di Hulanda Karibense hasi e prueba akí te na ougùstùs, ora nan ta na Hulanda kaba. E aña akí esaki ta sosodé na e isla kaminda e alumnonan ta biba. Dependiente di e resultado di e prueba, por disidí for di trempan si e estudio ku e alumno a inskribí p’e ta di e nivel adekuá i ta pas ku su personalidat. Si resultá ku e alumno no ta adekuá pa e estudio, e lo tin sufisiente tempu pa inskribí pa un estudio diferente. Banda di esei ta uza e prueba tambe pa huzga si e alumno ta bin na remarke pa e supsidio di komienso (opstar�oelage) di Studiefinanciering Hulanda Kariben- se. Alumnonan tin derechi riba e supsidio di komienso akí, si nan por mustra ku nan ta bai sigui un estudio di mbo na nivel 3 òf 4 na Hulanda. E prueba di atmishon AMN ta ser hasí digitalmente riba e propio isla, bou di supervishon, i ta dura mas o ménos 90 minüt pa parti. E alumno ta risibí un reportahe di kada prueba trahá. Ta manda e reportahe akí na e skol na Hulanda kaminda e ke bai sigui su estudio di mbo tambe. Seguidamente e skol na Hulanda ta tuma kontakto ku e alumno, pa papia tokante e resultadonan di e prueba Pa mas informashon Pa mas informashon tokante kontròl di eskoho di estudio i e prueba di atmishon AMN, alumnonan i nan mayornan por tuma kontakto ku e dekano di e skol ku e alumno ta bishitá aktualmente. Pa mas informashon di e prueba di AMN bo por bai tambe riba e wèpsait www.amn.nl/ bou di e tab ‘AMN voor scholen’. Kiko ta Lei General di Penshun di Behes (Wet Algemene Ouderdomsverzekering )? Un di e tareanan di RCN/Unidat SZW ta ehekutá e Wet Algemene Ouderdomsverzekering - AOV. Den e edishon aki di e Boletin Informativo bo por lesa mas di e lei aki. AOV ta e seguro di penshun di behes pa tur siudadano di Hulanda Karibense (Bonaire, Sint Eustatius i Saba) òf pa esnan ku a biba ei pa un periodo. E ta garantisá un suma di penshun ora yega na e edat ku ta duna derechi di penshun. E kantidat di e suma ta dependé di e kantidat di aña ku e hende a biba na Hulanda Karibense promé ku el a yega e edat ku ta duna derechi di penshun. E siudadanonan aktual di Hulanda Karibense por a biba òf traha pa algun aña tambe riba un otro isla di èks Antia (St. Maarten, Aruba òf Kòrsou) òf na Hulanda. Den e kaso ei nan tin derechi riba penshun di behes òf riba AOW di e pais ei. Ta konsedé e penshun a base di petishon. E edat ku ta duna derechi di penshun AOV lo subi stap pa stap durante e próksimo añanan te ora e yega ku 65 aña. Aki bou por mira e subida aki. A nanse: Edat ku ta duna derechi di penshun: Ku penshun den: Promé ku 1952 60 aña 1952 60 aña 2012 1953 62 aña 2015 1954 63 aña 2017 1955 64 aña 2019 1956 65 aña 2021 Despues di 1956 65 aña Despues di 2021 Altura di e suma di penshun di behes troubuk. Un komprobante di bo datonan bankario tambe ta nesesario pa sigurá ku bo datonan bankario ta korekto. Naturalmente bo por manda e formulario di petishon i e dokumentonan korespondiente den forma digital tambe. Si bo tin derechi tambe riba un suma di AOV/AOW for di un di e otro islanan òf Hulanda, bo por pidi esaki apart. Formularionan di petishon pa esaki tambe bo por haña serka SZW. Supsidio di pareha Pa esnan kasá di kua e partner di esun ku tin derechi di penshun, no a yega e edat aki ainda, e partner aki por risibí un supsidio di AOV. Esaki ta konta solamente si e entrada konhunto no ta mas ku e suma stipulá. E suma di penshun di behes ta diferente pa kada isla (konsiderando ku kada isla tin diferente sifra di inflashon) i ta keda indeksá kada aña pa korekshon di inflashon. Pa 2014 e suma di penshun di behes pa Boneiru ta $577,-, pa Saba $ 618,- i pa Sint Eustatius $ 609,-. Un hende ku no tin deskuento riba su AOV ta risibí e suma aki. Deskuento Sí akaso bo no tabata sigurá durante un òf mas aña komo ku bo no tabata forma parti di Hulanda Karibense, bo ta haña un deskuento riba bo suma di penshun di behes (2% pa kada aña sin seguro). Hasi petishon pa suma di penshun di behes Ta rekomendá bo pa hasi bo petishon na e unidat SZW, 6 luna promé ku bo kumpli e edat ku ta duna bo derechi riba penshun. E unidat tin mester di tempu pa por stipulá kon haltu bo penshun ta bira. Promé ku esaki SZW mester komprobá durante di kua periodo bo tabata sigurá. SZW ta dependiente di departamentu di Asuntunan di Siudadano (Burgerzaken) di Entidat Públiko pa ku esaki. Si bo entregá bo petishon na tempu, e suma di penshun di behes tambe por keda konsedé na tempu. Bo mester trese bo sédula i, den kaso ku bo ta kasá, bo Isla Entrada konhunto máksimo pa aña Bonairu $7532 Sint Eustatius $8079 Saba $8062 Fecha ku e ta drenta na vigor E suma di penshun di behes ta drenta vigor riba e promé dia di e luna despues di esun, den kua e persona en kuestion ta kumpli ku e kondishonnan pa derechi riba e suma di AOV. Suponé ku bo a yega e edat ku derechi di penshun riba 16 di yanüari, e or’ei bo ta risibí e suma di penshun di behes riba 1 di febrüari. Seguidamente bo ta haña e suma di penshun di behes riba kada promé dia di luna riba bo kuenta bankario (naturalmente den kaso ku bo a duna un banko lokal). Si bo a hasi petishon lat pa bo suma di penshun di behes/sobresuèldo, SZW por konsedé e suma ku forsa retroaktivo. E mag konsedé ku forsa aktivo durante un máksimo di un aña, komo ku e suma no por drenta vigor promé ku un aña promé ku a hasi e petishon. Retirada òf revishon Ora ku hasi kambionan den bo sirkunstansianan personal ku ta di influensia riba bo suma di penshun di behes, SZW ta revisá esaki òf ta retir’é. SZW ta kontrolá pa medio di chekeo aki aya (steekproef ) òf kontròlnan periódiko si kambionan a keda entregá korektamente i na tempu. Suma di penshun di behes/sobresuèldo di mas òf indebidamente pagá, ta keda rekobrá, si bo: • • A duna informashon inkorekto òf no a duna kambionan na tempu òf no a duna esaki mes Òf bo mester a komprondé ku e suma pagá ta muchu hopi òf indebidamente pagá. Dunamentu di informashon inkorekto intenshonalmente òf si bo keda sin duna informashon relevante, ta kastigabel. Loke bo mester mèldu Bo mester informá SZW di e siguiente kambionan den bo sirkunstansianan personal por eskrito, semper denter di dieskuater dia: • • • • • Si bo a divorsiá Si bo kasá a fayesé Si bo ta bai muda Si bo datonan bankario kambia Si bo ta bai afó òf ta bai biba den un otro pais (bo no mester manda un karta si bo ta bai pa un fakansi kòrtiku) Suma di Pasku (bónus) AOV ta garantisá un penshon ora alkansá e edat di derecho di penshon. Si bo tin derechi riba suma di penshun di behes den luna di sèptèmber, bo tin derechi riba e suma di Pasku. Esaki ta 100% di e suma na penshun di behes, riba kua bo tabatin derechi den luna di sèptèmber. E suma di Pasku ta tuma lugá huntu ku e pago di desèmber. Fin di e penshun E pago di penshun di behes/sobresuèldo ta stòp ora e persona outorisá fayesé. Ta importante pa e famia mèldu e fayesimentu mas pronto posibel na SZW, pasó mester stòp ku e pago. Si e kasá di e persona ku a fayesé ta mas hóben ku 62 aña, e por hasi un petishon pa Wet Algemene Weduwen en Wezenverzekering (AWW). Pago ora di fayesimentu Si un persona ku derechi riba penshun di behes fayesé, lo hasi e pago di penshun te ku e último dia di e luna den kua e fayesimentu a tuma lugá. Un pago pa un solo biaha despues di morto Si un persona ku derechi riba penshun di behes fayesé, lo paga un suma igual na kuater luna di pago di penshun na e persona òf personanan, ku ta bin na remarke pa esei a base di motibunan hustu segun opinion di SZW. E petishon pa esaki mester ta entregá na SZW seis luna despues di e fayesimentu. Ora di ofisina AOV Isla: Orarionan di ofisina Boneiru Djaluna, djárason, djabièrnè di 8 - 12 or’ Sint Eustatius Djaluna te djabièrnè di 8 - 12 or’ Saba Djaluna te djaweps di 13 or’ - 16.30 or’ Mas informashon Si bo mester di mas yudansa ku bo petishon òf bo tin pregunta tokante di penshun di behes (AOV), bo por tuma kontakto ku unidat di SZW na bo isla Biahe médiko pa eksterior Bo dòkter o speshalista ta bai mandabu Colombia of Guadaloupe pa hasi un tratamentu médiko i/o un investigashon si no por yuda bo na Boneiru, Sint Eustatius ,Saba òf St. Maarten. Si bo tin derecho riba un akompañante bo tin ku skohe esaki ku koutela mirando ku e akompañante tin hopi responsabilidat manera entre otro: • Yuda e asegurado ku su mobilidat • Yuda e asegurado traha sita nobo • Yuda e asegurado yena formulario (na hospital/aeropuerto) • Yuda e asegurado kushiná/kumpra kuminda òf hasi kompra. • Si ta nesesario, e akompañante lo drumi na hospital serka e asegurado E puntonan akí ta sirbi djis komo ehèmpel di e responsabilidatnan di un akompañante. Ofisina di Seguro di Kuido (ZVK) ta spera ku e akompañante lo yuda e asegurado ku loke sea ta nesesario. Tambe ta spera ku e akompañante lo keda 4 siman serka e asegurado si ta nesesario. Den esaki e énfasis ta riba ‘si ta nesesario’. Despues di un luna bo por kambia e persona ku ta kompañábu pa un otro persona. ZVK lo kubri e gastunan di e kambio aki. Si e persona ku ta kompañábu keda ménos ku 4 siman, ZVK no ta responsabel pa e kostonan relatá na e kambio di e persona ku ta kompañábu. Den sierto kaso, dependiendo di bo diagnóstiko i tratamentu, esaki por tin konsekuensianan se- rio pa e desaroyo eksitoso di bo bishita médiko den eksterior. Den sierto kaso, si nos komprondé di Coomeva o di abo komo kliente ku un persona ku ta kompañá un kliente no ta responsabel, ZVK lo prevení pa e persona aki kompañá klientenan durante bishita médiko den eksterior den futuro. Tambe ta importante pa meldu ku abo mes ta responsabel pa haña un persona responsabel pa kompañábu durante bo biahe. ZVK no ta responsabel pa haña un hende pa kompañábu durante bo biahe pa risibí kuido médiko. Durante un biahe médiko un akompañante no tin derecho pa laga saminá su mes serka un spesialista riba gastu di ZVK. Si e persona ke laga saminá su mes tòg, e gastunan ta pa akompañante mes. Si un akompañante bira malu (esaki ta malesa ku no por warda te ora regresá kas bek) durante e biahe médiko, naturalmente ZVK lo kubri e gastunan aki si. Na momento di skohe un akompañante ZVK ta konsehá bo pa tene kuenta ku e akompañante mester ta bon di salu pa por asistí bo na momento ku ta nesesario. Tambe ta un bentaha grandi si e akompañante por dominá Spañó I Ingles. Ki ora bo tin derecho riba un kompañante? • Si e asegurado tin 17 aña òf ménos, outomátikamente e tin derecho di bai ku un akompañante • Si e asegurado tin 70 aña òf mas, outomátikamente e tin derecho di bai ku un akompañante • Si e asegurado tin 18 pa 69 aña di edat, e no tin derecho outomátikamente di bai ku un akompañante • Si e asegurado tin 18 pa 69 aña di edat, e tin derecho di bai ku un akompañante solamente si e dòkter/spesialista duna bon motibu pakiko esei lo ta nesesario Tene kuenta! E akompañante mester kuminsá i terminá e biahe médiko pa eksterior riba e isla kaminda e asegurado ta biba. ZVK ke mustrabu riba e echo ku ZVK lo kubri únikamente e gastunan relashoná ku e tratamentu aprobá. No ta e intenshon pa bo mes tambe bai traha sita ku dòkternan o sigui tratamentunan pa otro enfermedat o malesanan ku no a aprobá. Un eksepshon riba esaki ta den kaso di un emergensia: esei ta un kaso den kua bo ta bira asina malu ku no por warda ku e tratamentu te ora ku bo bini bèk. Tene na kuenta ku e posibilidat ta eksistí ku lo bo mester keda pa mas tempu na Colombia, pues bai ku sufisiente paña i artíkulonan di perfumeria. Nos t’ei pa bo, pasobra: ‘Huntu nos ta logra bon kuido’ Polis di bario Rincon, sr. Ibi Statie dilanti di e edifisio nobo. For di 22 di yanuari 2014 a habrí e warda di polis nobo na Rincon. Sita di Hefe di Kuerpo Polisial Hulanda Karibense, sr. Hildegard Buitink durante di e apertura: “For di e edifisio nobo lo traha na e seguridat. E polis di bario lo por traha mas efisiente akinan i lo por ta mas serka di e pueblo di Rincon. Awor e habitantenan di Rincon por kana drenta e warda, ki ora ku nan sinti e nesesidat.” E oranan di apertura ta tur djarason di 3’or pa 7’or di atardi i tur djasabra di 9’or pa 3’or di atardi. Rijksdienst Caribisch Nederland Bonaire Kaya International z/n Kralendijk, Bonaire, Caribisch Nederland Telefoon: (+599) 715-8333 Rijksdienst Caribisch Nederland Sint Eustatius Mazinga Complex A, B Fort Oranjestraat Oranjestad, Sint Eustatius, Caribisch Nederland Telefoon: (+599) 318-3370 Rijksdienst Caribisch Nederland Saba The Bo�om, Saba, Caribisch Nederland Telefoon: (+599) 416-3934 info@RijksdienstCN.com www.RijksdienstCN.com h�p://www.facebook.com/rijksdienst.nederland De website is ook beschikbaar in het Papiamentu en het Nederlands.
