Crónica legislativa d`Asturies, 2015

CRÒNICA LEGISLATIVA D’ASTÚRIES
2015
José Manuel Pérez Fernández∗
Introducción
El 24 de mayu de 2015 celebráronse les elecciones pa elixir a los 45 diputaos autonómicos de la Xunta
Xeneral del Principáu d’Asturies nes que llograron representación seis partíos políticos col siguiente repartu
d’escaños: PSOE (14), PP (11), Podemos (9), IU-IX d’Asturies (5), FC (3), C’s (3). El socialista Javier
Fernández foi reelixíu Presidente del Principáu d’Asturies col votu de los 14 parlamentarios del PSOE y los
5 IU, y gracies a l’abstención de Podemos y de Ciudadanos.
1 Alministraciones públiques
Darréu de les elecciones autonómiques procedióse a reestructurar l’Alministración autonómica asturiana,
pero sin novedaes relevantes respective a la organización anterior.
1.1 Principáu d’Asturies
-
Decretu 6/2015, de 26 de xunetu, del Presidente del Principáu d’Asturies, de reestructuración de les
Conseyeríes qu’integren l’Alministración de la Comunidá Autónoma (BOPA 175, de 29-VII-2015).
La política llingüística asturiana ye competencia de la Conseyería d’Educación y Cultura (artículu 5).
-
Decretu 65 /2015, de 13 d’agostu, pol que s’establez la estructura orgánica básica de la Conseyería
d’Educación y Cultura (BOPA 189, de 14-VIII-2015).
L’entamu del decretu señala que a esta Conseyería-y correspuende “la planificación llingüística y
normalización” a traviés de la Dirección Xeneral de Planificación llingüística y normalización (artículu
1.1.a) 7.). Los artículos 28 y 29 d’esti decretu desarrollen les funciones y estructura d’esti órganu central de la
Conseyería al que-y correspuede la planificación, execución y coordinación con otres alministraciones de los
programes necesarios pal desenvolvimientu d’una política llingüística que garantiz y normaliz socialmente
l’usu del asturianu y del gallego-asturianu, asina como la so dignificación, protección, promoción y difusión,
ente otros, nos ámbitos educativu, de los medios de comunicación y de la vida cultural y institucional
del Principáu d’Asturies. D’esta Dirección Xeneral de Planificación depende’l Serviciu de Planificación
llingüística y normalización, encargáu de la la propuesta de programes de formación pa fomentar la conocencia
del asturianu por tol personal empleáu públicu que desarrolle’l so llabor n’Asturies, de la collaboración colos
distintos órganos institucionales del Principáu pa la publicación mediante edición separtada del «Boletín
José Manuel Pérez Fernández, profesor titular de derechu alministrativu. Universidá d’Uviéu, cola collaboración de Nicolás
Bartolomé Pérez, abogáu.
∗
Cita encamentada: Pérez Fernández, José Manuel «Crónica legislativa d’Asturies, 2015», Revista de Llengua i Dret, núm. 65,
2016, p. 206-209. DOI: 10.2436/20.8030.02.147.
José Manuel Pérez Fernández
Crónica legislativa d’Asturies, 2015
Oficial del Principáu d’Asturies» de les disposiciones, resoluciones y acuerdos de los órganos institucionales
del Principáu, asina como les lleis aprobaes pola Xunta Xeneral, o la traducción de cuantos textos deban ser
publicaos n’asturianu nos Boletinos oficiales del Principáu d’Asturies y de la Xunta Xeneral,
Interesa apuntar que’l nuevu Conseyeru d’Educación y Cultura, Genaro Alonso, na so intervención énte la
Comisión d’Educación y Cultura de la Xunta Xeneral de 16 de setiembre de 2015, anunció: “pretendemos a
lo llargo d’esta llexislatura qu’agora iniciamos da-y un puxu decidíu al desarrollu de la política llingüística y,
con esti fin, fiximos los cambios estructurales yá anunciaos: la Direición Xeneral de Planificación Llingüística
y Normalización baxo la dependencia directa del titular de la Conseyería d’Educación y Cultura. Nun ye una
cuestión nominalista, sinón un cambiu estructural que supón l’asunción de compromisos nuevos y retos”.
“El oxetivu principal –continuó- podemos resumilo en potenciar al máximu el desarrollu del marcu llegal
vixente, la Llei 1/98 del 23 de marzu d’Usu y Promoción del Bable/Asturianu, y dende esti marcu xurídicu
fomentar, promover, dignificar y difundir l’asturianu y el so usu, y del gallego-asturiano nel so ámbitu
propiu”.
Alonso tamién fixo referencia a una mayor presencia del idioma na RTPA, con programes que dean una visión
normalizada del mesmu, asina como una partida mayor pa l’Academia de la Llingua Asturiana. N’educación,
el Conseyeru aseguró que l’asturianu y el gallego-asturiano va ufiertase en tolos centros que reciban fondos
públicos, asina como na educación infantil.
1.2 Alministración local
-
Ordenanza municipal pal usu de la llingua asturiana nel conceyu de L.lena (BOPA 19, de 24-I-2015
[aprobación provisional], y BOPA 113, de 18-V-2015 [aprobación definitiva]).
Nel preámbulu d’esta ordenanza dizse: “L’usu del asturianu como vehículu d’espresión y comunicación sigue
siendo, depués de sieglos, una constante na vida diaria de los ciudadanos y ciudadanes del conciyu de L.lena
y d’Asturies, apreciándose, col pasu del tiempu, una mayor sensibilidá social y de los poderes públicos coles
peculiaridaes del fechu llingüísticu asturianu, a la qu’esti Conciyu quier sumase nel marcu estrictu de les sos
competencies”. El so artículáu dispón que “La llingua asturiana o asturianu ye, col castellanu, la llingua propia
del conciyu de L.lena, de l’Alministración local y de les corporaciones públiques que d’ella dependen (art.
1.1); que “Tolos ciudadanos y ciudadanes tienen derechu a emplegar l’asturianu y a espresase nél de palabra y
per escrito (…)”, y que “Nengún ciudadanu o ciudadana va poder ser discrimináu/ada por razón de la llingua
al ser atendíu/ida polos servicios, organismos o corporaciones que dependan del Conciyu de L.lena” (art. 3);
o que “Tendráse por válidu a tolos efectos xurídicos l’usu de la llingua asturiana nes comunicaciones orales o
escrites de los ciudadanos y ciudadanes col Conciyu de L.lena”, (art. 4.1).
2 Educación
Nel ámbitu de la educación, aprobáronse dos importantes decretos relativos al currículu y conteníu educativu
de la enseñanza secundaria y del bachilleratu, anque la situación de les llingües propies d’Asturies nes
enseñances medies sufre un importante retrocesu tres la implantación de la LOMCE: obligase al alumnáu a
optar ente l’asturianu (o el gallego-asturianu, nel so casu) y los segundos idiomes nos primeros cursos de la
ESO, o ente delles optatives nel cuartu cursu de ESO. En Bachilleratu les hores lectives pasen de cuatro a
una, pero amás pa los alumnos que la elixan plantéase un itinerariu percomplicáu. Continúa sin resolvese’l
problema de la creación de la Especialidá de Llingua Asturiana.
-
Decretu 43/2015, de 10 de xunu, pol que se regula la ordenación y s’establez el currículu de la
Educación Secundaria Obligatoria nel Principáu d’Asturies (BOPA 150, de 30-VI-2015).
Nel so preámbulu señálase que: “La Llingua Asturiana, como llingua tradicional d’Asturies, y cumpliendo
asina colo dispuesto na Llei 1/1998, de 23 de marzu, d’Usu y Promoción del Bable/Asturianu, ufiertaráse nel
bloque d’asignatures de llibre configuración autonómica, con carácter voluntariu y respetando la diversidá
sociollingüística d’Asturies”, previsión que se desarrolla nel artículu 6 y nel so anexu III.
-
Decretu 42/2015, de 10 de xunu, pol que se regula la ordenación y s’establez el currículu del
Bachilleratu nel Principáu d’Asturies (BOPA 149, de 29-VI-2015).
Revista de Llengua i Dret, Journal of Language and Law, núm. 65, 2016
207
José Manuel Pérez Fernández
Crónica legislativa d’Asturies, 2015
Al igual que na educación secundaria, la materia de Llingua Asturiana y Lliteratura ufiertaráse nel bloque
d’asignatures de llibre configuración autonómica y con carácter voluntariu (arts. 7 y 8); la metodoloxía
didáctica y los conteníos especifíquense nel anexu III d’esti reglamentu.
-
Resolución de 22 d’avientu de 2014, de la Conseyería d’Educación, Cultura y Deporte, pola que
s’aprueba el Plan Rexonal de Formación Permanente del Profesoráu 2014-2015 (BOPA 9, de 13I-2015).
-
Resolución de 10 de xunu del 2015, de la Conseyería d’Educación, Cultura y Deporte, pola que
s’aprueba la programación anual de la “Axenda Didáctica Escolar 2014-2015”. (BOPA 147, de
26-VI-2015).
3 Normalización social del asturianu y del gallego-asturiano
3.1 Promoción cultural
Les accciones y midíes pa impulsar el procesu de normalización social del asturianu y el gallego-asturianu
recuéyense nes siguientes resoluciones:
-
Resolución de 23 d’avientu de 2014, de la Conseyería d’Educación, Cultura y Deporte, pola que se
conceden subvenciones pal incrementu bibliográficu y l’adquisición d’obres publicaes n’asturianu o
gallego-asturianu por parte d’entidaes locales que seyan titulares de biblioteques integraes na Rede
de Biblioteques del Principáu d’Asturies (BOPA 4, 7-I-2015).
-
Resolución de 16 d’avientu de 2014, de la Conseyería d’Educación, Cultura y Deporte, pola
que se modifica la Resolución de 18 de payares del 2014 pola que s’aprueba la convocatoria en
réxime de concurrencia competitiva de subvenciones pal incrementu bibliográficu y l’adquisición
d’obres publicaes n’asturianu o gallego-asturianu por parte d’entidaes locales que sían titulares de
biblioteques integraes na Rede de Biblioteques del Principáu d’Asturies (BOPA 5, 8-I-2015).
-
Resolución de 12 d’avientu de 2014, de la Conseyería d’Educación, Cultura y Deporte, pola que se
concede’l Premiu «Xuan M.ª Acebal» de poesía en llingua asturiana, na so vixésima edición (BOPA
5, 8-I-2015).
-
Resolución de 12 d’avientu de 2014, de la Conseyería d’Educación, Cultura y Deporte, pola que
se concede’l Premiu «Xosefa Xovellanos» de novela en llingua asturiana, na so trixésima quinta
edición (BOPA 5, 8-I-2015).
-
Resolución de 12 d’avientu de 2014, de la Conseyería d’Educación, Cultura y Deporte, pola que se
concede’l Premiu «Máximo Fuertes Acevedo» d’ensayu en llingua asturiana, na so vixésima edición
(BOPA 5, 8-I-2015).
-
Resolución de 12 d’avientu de 2014, de la Conseyería d’Educación, Cultura y Deporte, pola que se
concede’l Premiu «María Josefa Canellada» de lliteratura infantil y xuvenil en llingua asturiana,
na so séptima edición (BOPA 5, 8-I-2015).
-
Resolución de 12 d’avientu de 2014, de la Conseyería d’Educación, Cultura y Deporte, pola que se
concede’l Premiu «Alfonso Iglesias» de cómic en llingua asturiana, na so sesta edición (BOPA 5,
8-I-2015).
-
Resolución de 16 de febreru de 2015, de la Conseyería d’Educación, Cultura y Deporte, pola que
s’aprueba’l Plan Estratéxicu de subvenciones pa’l exerciciu 2015 (BOPA 5, 8-I-2015).
-
Resolución de 1 de xunetu del 2015, de la Conseyería d’Educación, Cultura y Deporte, pola que
s’aprueba la primera modificación de les bases reguladores de la concesión de subvenciones pa la
promoción de la música n’asturianu y en gallego-asturianu en réxime de concurrencia competitiva
(BOPA 157, 8-VII-2015).
Revista de Llengua i Dret, Journal of Language and Law, núm. 65, 2016
208
José Manuel Pérez Fernández
Crónica legislativa d’Asturies, 2015
-
Resolución de 1 de xunetu del 2015, de la Conseyería d’Educación, Cultura y Deporte, pola que
s’aprueba la primera modificación de les bases reguladores de la concesión de subvenciones a
medios de comunicación pa la normalización social del asturianu y, nel so ámbitu, del gallegoasturianu, en réxime de concurrencia competitiva (BOPA 157, 8-VII-2015).
-
Resolución de 14 de xunetu del 2015, de la Conseyería d’Educación, Cultura y Deporte, pola que
s’aprueba la convocatoria en réxime de concurrencia competitiva de subvenciones pa la promoción
de la música n’asturianu y en gallego-asturianu (BOPA 170, 23-VII-2015).
-
Resolución de 23 de xunetu del 2015, de la Conseyería d’Educación, Cultura y Deporte, pola que
s’aprueba la primer modificación de les bases de los premios «Xosefa Xovellanos» de Novela,
«Xuan M.ª Acebal» de Poesía, «Máximo Fuertes Acevedo» d’Ensayu, «María Josefa Canellada»
de Lliteratura Infantil/Xuvenil y «Alfonso Iglesias» de Cómic en llingua asturiana (BOPA 176, 30VII-2015).
-
Resolución de 24 de xunetu del 2015, de la Conseyería d’Educación, Cultura y Deporte, pola que
se convoquen los premios «Xosefa Xovellanos» de Novela, «Xuan M.ª Acebal» de Poesía, «Máximo
Fuertes Acevedo» d’Ensayu y «María Josefa Canellada» de Lliteratura Infantil/Xuvenil en llingua
asturiana (BOPA 177, 31-VII-2015).
-
Resolución de 18 d’agostu del 2015, de la Conseyería d’Educación y Cultura, pola que se convoca’l
premiu «Alfonso Iglesias» de Cómic en llingua asturiana (BOPA 210, 10-IX-2015).
-
Resolución de 10 de septiembre del 2015, de la Conseyería d’Educación y Cultura, pola que
s’aprueba la convocatoria de subvenciones en réxime de concurrencia competitiva pa la promoción
del llibru n’asturianu y en gallego-asturianu (BOPA 221, 23-IX-2015).
-
Resolución de 27 de payares del 2015, de la Conseyería d’Educación y Cultura, pola que se conceden
subvenciones pa la promoción de la música n’asturianu y, nel so ámbitu, en gallego-asturianu, en
réxime de concurrencia competitiva (BOPA 284, de 9-XII-2015).
3.2 Medios de comunicación
-
Resolución de 1 de xunetu del 2015, de la Conseyería d’Educación, Cultura y Deporte, pola que
s’aprueba la primera modificación de les bases reguladores de la concesión de subvenciones a
medios de comunicación pa la normalización social del asturianu y, nel so ámbitu, del gallegoasturianu, en réxime de concurrencia competitiva (BOPA 170, 23-VII-2015).
-
Resolución de 18 de payares del 2015, de la Conseyería d’Educación y Cultura, pola que se modifica
la Resolución de 14 de xunetu del 2015 pola que s’aprueba la convocatoria de subvenciones a
medios de comunicación pa la normalización social del asturianu y, nel so ámbitu, del gallegoasturianu, en réxime de concurrencia competitiva (BOPA 281, 3-XII-2015).
-
Resolución de 12 de payares del 2015, de la Conseyería d’Educación y Cultura, pola que se conceden
subvenciones a medios de comunicación pa la normalización social del asturianu y, nel so ámbitu,
del gallego-asturianu, en réxime de concurrencia competitiva (BOPA 271, 24-XI-2015).
4 Toponimia
-
Decretu 21/2015, de 25 de marzu, de primer modificación del Decretu 27/2014, de 12 de febreru, pol
que se determinen los topónimos oficiales del Conceyu de Bual (BOPA 76, de 1-IV-2015).
Revista de Llengua i Dret, Journal of Language and Law, núm. 65, 2016
209