perfil di e gezaghèber

SINT EUSTATIUS
HULANDA KARIBENSE
Perfil pa gezaghèber nobo di Entidat Públiko Sint Eustatius.
E vakatura pa funshon di gezaghèber konosé algun eksigensia di funshon, algun di nan ta pará den
lei. Banda di esei e gezaghèber nobo mester disponé di kompetensia i abilidatnan ku ta rekerí pa por
ehersé e funshon bon.
E eksigensianan pa e funshon di gezaghèber di Sint Eustatius ta e siguientenan:
- e gezaghèber nobo (m/f) ta disponé di eksperensia amplio den maneho i gobernashon;
- e tin konosementu di sektor públiko;
- e tin un nivel akadémiko di pensa i traha;
- e tin afinidat demostrabel ku Sint Eustatius i òf region di Karibe i ta tene kuenta ku kultura lokal i
balornan lokal;
- e ta biba na Sint Eustatius òf ta dispuesto pa muda pa Sint Eustatius denter di tres luna (obligashon
WolBES);
- e tin nashonalidat hulandes (obligashon WolBES);
- e tin un dominio ekselente di idioma ingles i hulandes tantu skibí komo papiá. Aparte di esei un bon
dominio di spañó ta un bentaha;
Fuera di e eksigensianan di funshon akí ta ferwagt ku e gezaghèber nobo ta disponé di e siguiente
kompetensia i abilidatnan. E kompetensia i abilidatnan akí ta inseparablemente ligá na e funshon.
Identifikashon.
Gezaghèber ta asumí pa kada aspekto di e funshon un posishon apropiá i ta kapas di pone su mes na
lugá di persona òf gruponan na Sint Eustatius ku e tin di aber kuné.
Kapasidat pa uni i krea un sentimentu di kompromiso.
Gezaghèber ta sòru pa union i kompromiso den kolegio ehekutivo i konseho insular i huntu ku
kolegio ehekutivo i konseho insular e ta fiha rumbo di Entidat Públiko Sint Eustatius. Gezaghèber ta
sòru pa koperashon i ta mantené esei, e ta fungi komo wowo di un kadena ku ta uni tur parti i e ta
kapas di trese partidonan huntu, intermediá, habri kaminda nobo i krea perspektiva nobo.
Pagina 1 van 3
Integridat.
Gezaghèber ta aktua di un forma no ambiguo i transparante segun norma i balornan ku ta
generalmente aseptá, e ta personifiká esakinan tambe i ta aktua ora hende no ta respetá nan.
Gezaghèber ta tene su mes na e kódigo di kondukta fihá pa konseho insular i òf e kuadronan legal di
su funshon. Ta asina tambe ku su kondukta ta intachabel.
Independensia.
A base di su outoridat i posishon gezaghèber ta pará riba tur partido lokal i nan ta aseptá esei tambe
komo tal.
Resistensia kontra strès.
Gezaghèber ta tuma akshon i ta aktua den situashon ku ta rekerí esei. E ta en todo kaso enkargá ku
kombatimentu di desaster i krísis, órden públiko i seguridat. E ta hasi esaki ku trankilidat i konfiansa.
Sensitividat pa señal
Gezaghèber ta buska informashon di un forma aktivo den seno gubernamental i di empleado públiko
i di komunidat, ku ta importante pa su su mes forma di aktua. E ta uza e señalnan akí pa reflekshoná
riba su mes proseder.
Konfiabilidat.
Gezaghèber ta aktua segun normanan étiko ku ta generalmente aseptá i ta asumí responsabilidat pa
su mes aktuashon, en bista di kompromiso di e otro órganonan di gobernashon ku tópikonan i ta
perkurá pa kumpli ku palabrashonnan.
Estilo di goberná.
Pa komplementá e kompetensia i abilidatnan Entidat Públiko Sint Eustatius ta buska un gezaghèber
ku un estilo di manehá ku ta kuadra ku esakinan. Ta distinguí kuater estilo den esei esta: esun ku ta
konektá, esun ku ta mobilisá retnan, esun ku ta dirigí e proseso i esun ku korte tras di hende pa
stimulá nan. En bista di e perfil deskribí i e retonan ku Sint Eustatius ta enfrentá den e añanan
benidero tin preferensia pa un estilo di manehá ku énfasis riba esun di konektá.
Abilidatnan di maneho.
Sint Eustatius ta skohe pa enfatisá algun abilidat di maneho en bista di e situashon den kua polítika,
Entidat Públiko i poblashon ta haña nan mes aden. Esakinan ta:
Empatia.
Tin un kantidat di grupo den komunidat na Sint Eustatius ku mester di atenshon i ayudo èkstra pa
nan bida por ta normal i trankil atrobe. E gezaghèber nobo ta kapas di komuniká ku nan tambe.
Kapasidat pa stimulá otro.
Ta ferwagt di e gezaghèber ku e ta stimulá diputado i miembro di konseho di un forma positivo ora ta
trata trayektonan kompliká pa yega na tuma desishon, ku e por strukturá i organisá tumamentu di
desishon na un forma kla i komprendibel i e ta skucha ámtenar, miembro di konseho insular i
diputadonan ku atenshon.
Kapasidat pa konektá.
Pa koperashon den kolegio ehekutivo i kooperashon entre tur partido den konseho insular ta
Pagina 2 van 3
importante ku gezaghèber ta kapas pa duna kontenido na tumamentu di desishon na un forma
kolegial.
Sensitividat di maneho.
Gezaghèber ta kapas di antisipá riba i rekonosé importansia di akontesementunan ku ta influensia e
maneho eksistente i e proseder di esnan ku responsabilidat polítiko.
Vigilansia di kontinuidat
Tin hopi kos riba tereno di regulashon i di obligashon ku Entidat Públiko Sint Eustatius tin di atendé
kuné. E gezaghèber nobo ta sòru pa e aparato di ámtenar por atendé di un forma efektivo ku esei i ku
e ta ekipá pa hasi esei.
Representashon.
Entidat Públiko Sint Eustatius tin nesesidat di un gezaghèber ku por representá Entidat Públiko na tur
nivel. E gezaghèber nobo ta kapas di habri e portanan adekuá den koperashon ku diputadonan pa
asina por logra realisá kos pa Sint Eustatius.
Por último.
Un assessment por forma parti di e prosedura di selekshon. Entidat Públiko no ta disponé di un
residensia ofisial.
Stipulá den reunion públiko di konseho insular fechá 19 di mei 2016.
Presidente,
Grefir insular,
señor J.C.A. Woodley.
señor L.F. van Ameijden Zandstra.
Den presensia di
Representante di Reino pa Boneiru, Sint Eustatius i Saba,
señor G.P. Isabella.
Pagina 3 van 3