Versión en Embera - Mesa de Conversaciones

Chiburupenaada # 75 Chi Habana,Cuba, jedako jua aba aba, ewari ebera aba ome 2016 (22 de junio 2016) Chi chiburude neebadaura char kakua maude chi FARC-­‐EP ba jara budabida chi ruadebenamá, achi kera utu dauchía neesidabida chi chiburu awakopanasidau batabadau debena apí kubudamera maude kera chiya kachirúa duana badaura maude mau joma newae bidayúa; chi pawara ida buikadai debena; chi dedekadai achi kera dauchía nureadamera chi char bedea deeba mau kera jipa achimá ijádamera, maude chi ara ambúa jua kaatu dapeda chi ruadebena kachirúa nureera jidau kadamera, achia kaya bía badau baera maude kaya bia kuria badaubaera defensor de los derechos humanos madaura, akuru mímia biabadaura chi ruade duanúrasida, maude eda jidaudamera chi naede modede nureapenaadara jábae, odede benadá mausidaura maude achi jua deabadaura, maudeeba juru kuabada amaaduanuma jidau kakuadamera maadamébura achia chi naka chiburu awakopanú newae bidayuade chi chio awakopanú newae bidaibada kuris, soo bía nureadamera chi ruade uñaba kiruré. Chi chanau chi Char rua Colombia debenaba, ná erdau bida, Juan Manuel Santos ba, chi Char aba maucha uaníba chi mode debenara FARC-­‐EP madau, Timoléon Jiménez, maude chi waara Ruadebena akuru chiburu badaura bida. Cuba, achi char Raúl Castro, maude Rua Noruega, achi canciller, Boge Brende. Maude eda duanadaibida chi waara ruadebenara achi nau chibururade akuru urikirureabadaura, Char wera Chilede benasida, Michelle Bachelet, ara mau dauchia sida, char rua Venezuela debenas, Nicolás Maduro mausida buabida. Chi nau de bida, achía kera aurre kakua kerajua área erdau budabida, achia iupenaada achi char keraka chi Secretario General Naciones Unidas debena, Ban Ki-­‐Moon, mau chi Char consejo de seguridad madau ome ukubuai bida maude chi char eda jua kaatu jomaura chiburu badaura ome ida. Maude eda bida buaimadau, char República Dominicana debena, ichi mau mae Char baera CELAC debena; Salvador debena Char sida, maude chi uru buikapenaadara chi nau uru karidaude chi chiburu awakopanú chi kuris bía, soobía chi ruade duanédamera chi mau debena sida Estados Unidos maude chi Unión Europea debena de. Chi chiburura unu biabudabida nú dá jedako ké’sade, chi dé chiburu badaura de Chi Laguito de.