Bruno Fernández Cepeda

COMPRENSIÓN ORAL
Bruno Fernández Cepeda
(En sintiendo l’audición del poema “La enfermedá”. Duración: 0:56”)
BRUNO FERNÁNDEZ CEPEDA (1744-1803)
Clérigu, gramáticu y poeta, desendolca profesión y vocación en
Villaviciosa, onde va morrer a los cincuenta y nueve años. Anque, de xuru, la
so producción lliteraria tenía de ser perimportante, namás conservamos tres
romances de so: «La enfermedá», «Felicitación d’unos díes» y «Bayura
d’Asturies».
LA ENFERMEDÁ (fragmentu)
(...)
Un demoniu d’un dolor,
que me fai ver les estrelles,
y por más que lo conxuro
está siempre ten que tienes.
Dolor, que ñeciu m’obliga,
a facer mil bicoquetes,
y arrollame por el suelu,
tírame peles paredes,
anda a pico picaños
y al pizopé algunes veces
espernexar, dar corcorbos,
romper sielles y taburetes,
y doscientes xigomencies.
Dolor, que me fai andar
faciendo visaxes y mueques,
los güeyos arremellar,
ceyes agurriar y frente,
torcer ñariz y focicu,
arregañar bien los dientes,
esmordigañar los llabios,
a soplar de los dos fuelles,
esperezame, vociar,
y otres doscientes ximuestres.
…
1) La temática del poema ye:
a) El dolorosu alcuentru del poeta col diañu.
b) La posesión del poeta por un demoniu.
c) Los terribles dolores que’l poeta nun ye a
aguantar.
d) Los esconxuros pa facer desapaecer al
diablu.
2) ¿Cuántes sílabes tien “romper sielles y
taburetes”?
a) Ocho sílabes.
c) Diez sílabes.
b) Nueve sílabes.
d) Once sílabes.
3) El versu primeru “Un demoniu d’un dolor”, mide ocho sílabes porque:
a) “demoniu” tien cuatro sílabes.
b) L’apóstrofe en “d`un” nun obliga a facer sinalefa.
c) La última pallabra nun ye llana.
d) La última pallabra ye aguda.
Actividaes
1. Fai l’análisis métricu de los diez primeros versos del poema.
Separta les sílabes métriques, sorraya la rima y pon a la derecha
de caún de los versos el so númberu de sílabes y el símbolu de la
rima.
Metru
[...]Un demoniu d’un dolor,
que me fai ver les estrelles,
y por más que lo conxuro
está siempre ten que tienes.
Dolor, que ñeciu m’obliga,
a facer mil bicoquetes,
y arrollame por el suelu,
tírame peles paredes,
anda a pico picaños
y a l p i z o p é a l g u n e s v e c e s (...)
Rima
2. El poema xuega coles metáfores, les personificaciones y les
hipérboles. Atendiendo a les definiciones qu’apaecen darréu, esplica
cómo apaecen estes figures lliteraries nos versos a), b), c) y d).
Metáfora: Nomar daqué per aciu d’una pallabra que presenta dalgún
asemeyu de significáu.
Personificación: Dar cualidaes propies de les persones a coses o animales.
Hipérbole: Consiste en desaxerar daqué.
a) “Un demoniu d´un dolor”
c) “soplar de los dos fuelles”
b) “que me fai ver les estrelles”
d) “dolor, que ñeciu m`obliga”
3. Bruno Cepeda escribía romances, series indeterminaes de versos
d'ocho sílabes con rima asonante nos versos pares. Analiza si se
cumplen les siguientes característiques nel poema:
verdadero
falso
La rima ye asonante.
Ye un poema que nun se divide n’estrofes.
Los versos son octosílabos.
La midida de los versos nun ye regular.
Namás rimen los versos pares
4. El poema de Cepeda contién una descripción humorística y dinámica
del mesmu poeta, usando una retafila d’esparabanes, movimientos y
xestos. Escribi tres d’estos xestos.
5. Asitia, nel mapa d’Asturies, el conceyu onde nació Bruno Fernández
Cepeda. Busca n’Interné les llendes, les fiestes y la gastronomía del
llugar.
SOLUCIONARIU
COMPRENSIÓN ORAL
1)
2)
3)
c
b
d
ACTIVIDAES
1)
[...]Un/ de/mo/niu/ d’un/ do/lor,
que /me/ fai/ ver/ les/ es/tre/lles,
y/ por/ más/ que/ lo /con/xu/ro
es/tá/ siem/pre/ ten/ que/ tie/nes.
Do/lor/, que/ ñe/ciu/ m’o/bli/ga,
a /fa/cer/ mil/ bi/co/que/tes,
y a/rro/lla/me/ por/ el/ sue/lu,
ti/ra/me/ pe/les/ pa/re/des,
an/da /a/ pi/co/ pi/ca/ños
y a l / p i / z o / p é a l / g u / n e s / v e / c e s (...)
8
8
8
8
8
8
8
8
8
8
Metru
sílabes
sílabes
sílabes
sílabes
sílabes
sílabes
sílabes
sílabes
sílabes
sílabes
Rima
a
a
a
a
a
2) a) Metáfora porque’l términu real, dolor, recibe’l nome imaxinariu, demoniu.
Ye amás una personificación, porque el dolor nun ye un ser. Ye tamién una
esaxeración o hipérbole.
b) Metáfora, una cosificación del dolor, les estrelles son el nome imaxinariu y el
dolor el términu real. Y pué ser tamién una hipérbole.
c) Metáfora, los dos fuelles son el términu imaxinariu, los papos el términu real.
d) Personificación del dolor, al que-y da la cualidá de ser neciu.
3)
verdadero
La rima ye asonante.
X
Ye un poema que nun se divide n’estrofes.
X
Los versos son octosílabos.
X
La midida de los versos nun ye regular.
Namás rimen los versos pares
falso
X
X
4) Bicoquetes, espernexar, xigomencies, visaxes, mueques, güeyos arremellar,
ceyes agurriar, torcer ñariz y focicu, arregañar dientes, esmordigañar, soplar,
vociar, ximuestres...
5) Villaviciosa. Conceyu 75 nel mapa.