lesa e comunicado di gobierno ak

 COMUNICADO DI PRENSA Gobierno ta confirma cu ningun permiso pa organisa Carnaval 61 a wordo duna ainda Gobierno di Aruba, mediante Ministerio di Asuntonan General, kende ta responsabel y ta e autoridad legal pa otorga e permisonan necesario pa organisa nos carnaval, ta confirma cu nigun permiso a wordo otorga pa loke ta organisacion di Aruba su Carnaval 2015. Ministerio di Asuntonan General a informa Cuerpo Policial ya algun siman caba cu pendiente e reunionan cu Minister di Cultura tabata dirigiendo pa yega na claridad riba e tema di discussion entre gruponan di carnaval y SAC cu no lo duna permiso ainda na ningun organisacion pa organisa Carnival 2015. Locual a keda otorga ta un permiso pa un evento di 11 di November na SAC cual permiso tur otro grupo tambe tin derecho pa solicita pe y haya. E siman aki Conseho di Minister a trata un carta di un cantidad hopi grandi di gruponan di Carnaval cu ta expresa di lo no participa na un Carnaval organisa dor di SAC y cu nan lo kier haya e derecho pa bira e organisacion pa organisa Carnaval 2015. Conseho di Minister a dicidi pa solicita mando Policial pa reuni cu SAC pa presenta e situacion aki cu un cantidad hopi grandi di gruponan no kier participa mas na Carnival cu SAC. Despues di e reunion aki, cu lo tuma lugar Dialuna, un decision lo cai den Conseho di Minister riba e otorgamento di permiso pa organisa Carnaval 2015. ###