I Tips contra kiebro y robo di auto durante Carnaval II Tips

Atencion: Tuma tur precaucion necesario e aña aki pa bo por
goza di bo Carnaval
Tipsnan practico di ENNIA pa Carnaval
Tur aña henter Aruba ta anhela na e periodo di carnaval cu tur su actividadnan festivo cu e ta trece
cu ne. Pesey, no laga kiebro, robo of accidente daña bo fiesta y no core ningun riesgo innecesario pa
loke ta bo salud.
Cu e tipsnan akibou, bo tin sigur cu bo a tuma e precaucionnan corecto pa un carnaval trankil y bon
mereci.
I
Tips contra kiebro y robo di auto durante Carnaval
Asina bo ta preveni kiebro y robo di bo auto durante carnaval.
Tips pa staciona y cera bo auto

Staciona bo auto semper den bista di hende, na un luga bon ilumina y sigur.

Saca tur pertenencia di balor na tempo for di bo auto y warda nan na un luga safe na cas.

Pone bo auto, si por, na un luga di para auto cu tin vigilancia.

Sea prudente y cera bo auto semper na yabi.

Nunca laga yabi di cas of yabi di spare atras den bo auto.

Semper percura pa cera tur bentana y baha capa di e auto si tin esaki.
Tips con pa warda y bin cu cos carnaval

Nunca laga camara y tas den bo auto.

Nunca laga celular, tablet y laptop den bo auto.

Percura pa nunca laga tas cu comestibel of cu paña, den bista di hende.

Saca tur cos for di dashboard y laga esaki habri.

Nunca sconde cos bou sienta.

Saca e parti dilanti di e radio for di bo auto y warda esaki na cas.
Tips pa aparatonan electronico y proteccion di bo auto

Nunca laga aparatonan electronico atras den bo auto, cu por wordo detecta facilmente pa ladron
usando bluetooth.

Cumpra extra seguridad den forma i un klem pa stuurwiel, un candal pa e handle di cambia
speed y busca seguridad pa e scrufnan di e tairanan.

Cumpra un sistema di alarma pa auto y un aparato pa inmobilisa e switch.

Cumpra un sistema di GPS tracking.

Activa cualke sistema digital contra-robo na tempo.
II
Tips contra accidente di auto despues di carnaval
Asina bo ta preveni accidente di auto despues di carnaval.

Palabra bon cu otro tocante ken ta core bay cas.

Percura pa e BOB, esun cu ta core bay cas, no bebe.

Paga extra tino na e trafico despues di carnaval.

Tene cuenta cu e echo cu ta bebe hopi alcohol durante carnaval y cu automobilistanan ta
reacciona menos lihe dor di esey y ta core cu menos cuidou den trafico.
III
Tips contra daño na oido durante carnaval
Asina bo ta preveni daño na bo oido durante carnaval.

Proteha bo horenan cu plugs pa horea, obtenibel na tur botica / farmacia

Duna bo yiunan headphones extra grandi si nan no gusta e plugsnan pa horea.

Bisti bo yiunan headphones sin zonido; esaki ta para cool y na mes momento ta silencia e
desordo y ta proteha nan oido.
IV
Tips pa no deshidrata durante carnaval
Asina bo ta preveni deshidratacion durante carnaval.

No bebe di mas refresco of otro bebidanan dushi, paso nan no ta yuda mucho bon contra
deshidratación.

No bebe demasiado hopi cerbes, ya cu cerbes tin un efecto deshidratante.

Sigui bebe hopi awa ya cu awa ta hidrata bo curpa miho cu tur otro cos.
V
Tips contra zonnesteek durante carnaval
Asina bo ta preveni zonnesteek durante carnaval

Usa suficiente crema contra solo y keda hunta bo curpa.

Bisti algo riba bo cabes, manera un petchi of un sombre grandi bunita.

Hiba un parasol contra e solo.

Conscientemente, busca lugarnan cu tin sombra.

Keda bebe hopi awa pasobra esaki ta hidrata bo curpa bon.
VI
Tips pa no shiwata cu cuminda durante carnaval
Asina bo ta preveni cu bo ta shiwata cu cuminda durante carnaval

Warda carni y otro snacks cu por daña semper den un luga friu.

Sirbi smoothies, berdura curu y salada semper friu.

Sirbi cuminda of snacks cayente, cayente tambe.

Scoge pa cuminda y snacks cu ta wordo prepara bo dilanti.

No come carni kima of carni cu a keda curu paden.

No come cuminda cu ta hole of smak straño.