Antras - Migration Policy Institute

Bulitin Informativu Di Saúdi PúbliKu
Boston Public Health Commission
Communicable Disease Control
1010 Massachusetts Avenue, Boston, MA 02118
617-534-5611 (telefóni) • 617-534-5905 (fax)
Antras
Mayor Thomas M. Menino
Kuzé ki é antras?
Antras é un duénsa provokadu pa un baktéria ki ta txumadu Bacillus anthracis. Antras jeralmenti ta dâ na
animal, má el podê dâ na argen tanbe. Antras podê ser uzadu móda un arma biolójiku. Na fin di anu 2001, kazus
di terrorismu relasionadu ku antras kontisê na Connecticut, na sidadi di New York, New Jersey, Flórida y
Washington DC.
Kumó ki antras ta pegâ?
Antras ta pegâ óra ki argen tokâ na el (óra ki tenedu un kórti na peli), óra ki argen raspirâ ar ki tene-l, ó óra ki kumedu
karni kontaminadu ku antras. El é ka kontajiozu. Un argen infetadu ka ta pasâ otus argen el.
Kas ki é sintomas di antras?
•
Sintomas di es duénsa li ta variâ, di akordu ku manera ki el pegadu. Jeralmenti, es sintoma ta parsê na un sumana
dipos di kontájiu, má el podê lebâ mas ki sesénta dia pa manifestâ.
•
Na peli (spesi di peli): Maior parti di infesãu ku antras ta panhadu óra ki baktéria ta entrâ na peli. Es infesãu ta
komensâ ku un intxasu ki ta kosâ y ki ta parsê ku un mordedura di un bitxu, má el ta birâ, déntu di arguns dia, na
un anpóla. Es anpóla ta birâ mas grandi y el ta kriâ un ária prétu na meiu. Maior parti di argen ta birâ
konpletamenti bon, óra ki es ta fazê tratamentu logu.
•
Inalasãu: Kes primeru sintomas ta parsê ku kes sintoma di un gripi, ki ta dâ fébri, friu y tremura má dor na
musklu. Dipos di arguns dia, kes sintoma ta ivuluí pa el kriâ grandis difikuldadi na respirasãu y paralizia. Na
pasadu, ta morreda 1-2 dia dipos di sintomas parsê. Má, duranti es últimu ipidimia di antras, na Mérka, ku
trataméntu imidiatu, mas di metadi di argen, ki pegâ antras pamó el txera-l, sobrivivê.
•
Intistinal: Es fórma di antras ta dâ si kumedu karni kontaminadu. Sintomas ta inklui nauzia, pérda di pititi,
vómitu, fébri, mas tardi, dor di barriga, vomitâ sangi y un grandi diarreia.
N podê pegâ antras na otu argen?
Ka ta konxedu kazu di antras ki panhadu na argen. Só argen ki tevi kontaktu dirétu ku farinha di antras ta ten es duénsa.
Ten argun vasina kóntra antras?
Ten un kuantidadi mutu poku di basina kóntra antras dispunível na Stadus Unidus di Mérka. Ka ta basinadu kóntra antras,
só si stadu ta korredu un grandi risku, móda pesoal di izérsitu. Vasina kóntra antras ta dadu na seis injesãu, na un priudu di
18 mes. Basina kóntra antras ki é fetu pa animal ka debê dadu argen el.
Ten argun trataméntu pa antras?
Dotor podê pasâ reseita di antibiótikus ki ta fazê ifeitu kóntra antras. Trataméntu, pa ser ifikas, el debê komisadu sédu. Si
dixadu es duénsa sin trataméntu, el podê te matâ. Na Massachusetts, ta izijidu pa kumunikadu, imidiatamenti,
dipartaméntus lokal di saúdi di tudu kazu di suspeta di antras. Na Boston, diskunfiansa di kazus debê kumunikadu pa
Boston Public Health Commission, através di nunbru 617-534-5611.
Pa mas informasãu telefonâ BPHC ,
Linha Di Informasãu sobri Bioterrorismu,
na nunbru 617-534-2362
ó vizitâ http:// www.bphc.org
CapeverdeanAT.doc