Speech di apertura na e occashon di e prome AML Training

Speech di apertura na e occashon di e prome AML Training organisa pa Professional
Compliance Services
Bon dia distinguido participante y invitadonan,
Mi nomber ta Sherilina Schmidt. Mi tin casi 8 anja trahando na Banco Central komo un Financial
Examiner den e departamento di Supervishon y desde anja 2007 mi ta certifica como un Anti
Money Laundering Specialist. Den nomber di Banco Central mi kier a gradici Professional
Compliance Services pa e invitashon pa dirigi mi mes na boso na e occasion di nan Prome
AML/CFT training.
Awe, mi lo duna un relato kortico ariba e rol di Financial Action Task Force y tambe ariba e
evaluashon mutuo cu a tuma lugar na Aruba recientemente. Financial Action Task Force mihor
conoci como (FATF) ta un grupo intergubernamental cu a wordo incorpora na anja 1989 cu ta
traha hunto pa preveni y combati labamento di plaka y financiamento di terorismo internacionalmente.
FATF tin na e momento aki 34 païs como miebro. Reino Hulandes ta un di e miembronan y
Aruba como parti di Reino tambe mester cumpli cu e 40 + 9 standard nan di FATF. FATF a trese
cambionan sigfinicativo den e manera con banconan y otro institushon nan financiero rond
mundo ta opera. Tambe e la contribui na diferente cambio den leynan y operashon nan
gubernamental riba e tereno di AML/CFT. E objetivo nan di FATF ta:
-
Mustra e importancia di prevenshon di labamento di plaka y combatimento di financiamento
di terrorismo mundialmente
Monitor e implementacion di su recomendashon nan bow di su miembro nan
Controla tendencia nan di labamento di plaka y medida nan pa combati esaki.
E elemento clave pa contraresta labamento di plaka y financiamento di terrorismo cu FATF ta
huza ta e medida nan cu cada païs mester implementa. E medida nan aki ta devedi den:
1) e 40 recomendashon nan cu tin como meta combati mal uso di e systema financiero pa
labamento di plaka, cual a wordo introduci na anja 1990; y
2) e 9 recomendashon nan special pa combatimento di financiamento di terrorismo cu a wordo
introduci na anja 2003.
For di e prome set di 40 medida mi kier a menciona explicitamente en conneccion cu e training di
e dia aki e recomendashon nan 5 y 15 di FATF. Recomendashon number 5 ta indica cu
institushon nan financiero mester hiba un bon maneho pa conoce na clientenan (Know your
Customer Policy). Tambe e ta indica cu e institushon nan mester applica proceduranan pa
Customer due Diligence y retenshon di documento cu ta cumpli cu ley y reglanan existente.
1
Recommendashon number 15 ta bisa cu institushon nan financiero mester implementa
programma nan pa contraresta labamento di plaka y financiamento di terrorismo. E programa nan
aki mester consisti di:
•
•
•
Procedura nan interno cu ta inclui un maneho di complimento apropia y un procedura di
screening adequa na momento di tuma hende den servicio
Un programa di training continuo pa tur personal; y
Un funcion di auditoria interno pa test tur e systemanan cu tin den e organisashon
Di e 9 recommendashon nan special mi kier a menciona recommendashon 6 y 7.
Recomendashon 6 ta indica cu kada païs mester tuma stap nan nesesario pa segura cu kada
persona of compania cu ta brinda e servicio di transferencia di plaka ta registra y mester cumpli
cu tur e recommendashon nan di FATF cu ta applicable pa banconan y otro institushon nan
financiero. Tambe e ta indica cu kada païs mester sigura cu si un persona of compania ta duna e
servicio aki illegalmente lo wordo sanciona.
Recommendashon 7 ta indica e reglanan cu mester wordo cumpli en connecion cu wire transfers.
Kada païs mester requeri di tur institushon financiero, incluiendo compania nan di transferencia
di plaka, pa inclui informashon adequa di e originador y benificiario cu ta manda y recibi fondo
via wire transfers. E informashon aki mester keda registra cu e transfer durante ful e kadena di
pago.
Recientemente na November 2008, FATF a evalua Aruba su complimento cu e 40 + 9
recommendation nan. Basa ariba discushon nan preliminario cu e team di assesornan di FATF,
nos por conclui cu apesar cu por a nota adelanto den e ultimo anja nan aki, tog e structura pa
combati labamento di plaka na Aruba mester worde reforsa hopi mas pa asina nos por ta den
cumplimento cu tur FATF su recomendashon nan.
Den cuadro di esaki ley y reglanan mas estricto pa combati labamento di plaka lo wordo
introduci. Por menciona kaba cu e intenshon ta pa pone sectornan vulnerable manera entre otro e
stock exchange eletronico y investment advisors nan tambe bow di supervishon. Ya caba na
februari di e anja aki e ley di supervishon regulando e compania nan di trust a drenta na vigor.
Banco central ta encarga cu e ehecushon di e ley aki cu ta dirigi mas tantu na mantene e
integridad di e sector aki.
Mester menciona tambe cu e ley nan di supervishon pa banco, seguro y compania di transferencia
di plaka a wordo adapta y amplia conforme na FATF su recomendashon nan, dunando banco
central e authoridad pa issue reglanan esplicito ariba e tereno di AML/CFT. E posibilidad di
impone sanction nan administrativo tambe a wordo incorpora den e ley di supervishon pa banco y
seguro. Tambe, Banco Central lo revisa y adapta su directives nan pa tur sector den e area di
AML/CFT pa asina cumpli cu e exigencianan di FATF.
Ademas di e supervishon continuo di banco central, ta di sumo importancia pa e sector financiero
di Aruba ta bon educa ariba e tereno di prevenshon y combatimento di labamento di plaka y
financiamento di terrorismo. Entre otro banco nan, compania di transferencia di plaka, compania
nan di trust y seguro ta vulnerable pa e actividad nan ilicito aki.
Ta pesei ta importante pa e sector financiero di Aruba tuma e stap nan necesario di prevenshon pa
no wordo mal usa pa e actividad nan aki. Manera recomendashon 5 ta indica, Banco central
tambe ta stress ariba e importancia di educashon continuo ariba e tereno aki pa tur personal den e
sector financiero. Training nan regular pa e empleado nan di institushon nan vulnerable na
labamaneto di plaka ta imperativo pa preveni e systema di wordo mal usa.
2
Banco central ta stimula training nan manera esun di awe cu boso ta forma parti di dje. E
initiativa di Professional Compliance pa organisa e training aki ta di aplaudi y nos ta spera cu lo
tin hopi mas evento di e caliber aki den futuro.
Banco central ta traha duro pa sigura cu nos systema financiero ta den cumplimento cu tur ley y
regal nan applicable relashona cu prevenshon di labamento di plaka y financiamento di terrorismo
pa asina mantene e integridad di e sector financiero di Aruba.
Finalmente mester mensiona cu aunke tabata tin progresso den e ultimo anja nan ariba e tereno di
prevenshon y combatimento di labamento di plaka y financiamento di terrorismo ainda tin hopi
area nan cu mester mehorashon. Training nan manera esaki lo juda nos jega nos meta di ta den
cumplimento cu ley y reglanan vigente tanto di Aruba como international.
Mi ta spera cu e dia di awe lo ta hopi fructifero y exitoso pa un y tur.
Danki pa boso atenshon.
3