Descargar documento
Anuncio
LENGUA: MIXTECO VARIANTE: De Oaxaca de la Costa Noroeste TRADUCTOR: Hermenegildo López Castro SATU’UN CHI CHINDO Concursu kuenda videu: “Ña ku’a nde’e ñi tivaa kuati ta ra tivaa kuati kuenda ra kuu rai” ¿Atu tiñu ñi kuu ña’a ta ra kuu rai kuu tiñu kuenda cha inni ndaa ya’vi maa ñi kuu ña’agan ta maa ra kuu raigan tra? ¿Atu tu’agun ka’an kuenda cha inni ndaa ya’vi ñi kuu ña’a chi ra kuu raigan io chio ñuu nu iogun? ¿Atu ni keta in kivi ni saxiniun vati va koo ñuugun cha iini va kunda ya’vi ñi kuu ña’a ta ra kuu raigan tra? ¿Atu kuu va kati in ra tivaa lu’u vati rai kura, soko ñava kanira chi ñasi’ira ta va saka’nura chiña? ¿ Atu nakoton chi ñi tu’a ka’an ndaa chi ra kuu rai tra ta tu chitón ñaa kuu va sava’o takan na saka’nuñi chi ta’anñi? ¡Kuenda yo’o kuu tu’un satu’un tutuya i’a! Nu va koo tiñu nani Nosotros por Ellas (HeforShe) kuenda ve’e Instituto Mexicano Juventud (Imjuve), nu kuuchi Dirección kuenda Salud, Equidad ta Serviciu kuenda ra Tivaa kuati, ni nata’an ta’an ve’e Comisión Nacional kuenda cha na ndi’i cha ya’a ñi kuu ña’a tundo’o sava’a ra kuu rai tra (Conavim), satu’unchi chi ñi kuati ta ra kuati cha’un uni kuia ta nda oko iin kuia vati na ti’iñi tutuñi nu kuuchi concursu kuenda videu “Las masculinidades a través de la mirada de las y los jóvenes”. Kee tiñuya vati va satu’unchi chi ñi tivaa kuati ta ra tivaa kuati vati na sava’a ratra in tiñu –tava cha kuu videugan-, vati na sana’achi chi ñi tañi kuenda cha ñaa ku’a nde’eñi chi ra kuu raigan tra, i’a va saxini maañi tañi an va’a cha ndo’oñi ndaku iiñi chiñi ta tu inni ndaa ya’vi ra kuu raigan chi ñi kuu ña’agan tañi. Videuya va sana’achi chiñi kuati ta ra tivaa kuati vati na sama ku’a kooñi tañi chi ta’anñi, i’a va kotoñi ñaa ku’a koo ra raigan tra chiñi kuu ña si’i ratra vati yoniga va kani chi ta’an ta va koto ñi vati inni va kunda ya’vini maañi kuu ña’aya chi maa ra kuu raigan tra. ¡Maun va saxini! A. TUTU VA KU’A KUENDAUN Tu yo’o ta va kuniu ti’un siviun, va sakutun in tutu ta va tachiun tutua, chi formatu PDF in MB va ndu vee che’e, nu kuuchi plataforma: videomasculinidades.imjuventud.gob.mx Ñaa ndakañi Tutu Tu ñivi ñuu kuugun, ta tu cha ketaun cha’un uni Tu ndi’i ni sava’un tutu formulariu kuenda ta nda oko iin kuiagun kuu va ti’un tutu ti. registru indi tichi plataforma digital, va ti’un ndi’i tutuya chi formatu PDF in 1MB va ndu vee che’e: 1.- Va ti’un tutu siviun vati i’a va katichi ñaa kuia ni kakun. 2.- Credencial kuenda cha sa’un votaa (an kuuchi credencial kuenda cha sa’un votaa, an kuuchi cedula an kuuchi pasaporte). 3.- CURPgun Va tachiun in Liga URL kuenda videu. 4.- Videu cha va sava’un ku’a chani kati tu’un ñi tañi chum nu tutuya i’a chakan kucha va ka’a videuya, ndi’i ñivi va kuu nde’echi ti ta va ti’igunchi tichi plataforma Youtube; soko in videu chaa va kuinu va sava’un, ta va sa’un grabaa chi se’es tiagun, uni minutuni va nduna’a videuya ti. Ku’a cha va kati tu’un ndi i’a ku’aya va kuinu videu cha va sava’un: a).- Va katiun yoogun kuun (oko uchi segunduni va ka’un i’a). Nu va ka’an ndo i’a, ndio’o ña’a kuati an ndio’o rai kuati va kati tu’un ndo ñaa ku’a ta ni ketan ndo i’a nu kuu concursuya, ta va kati ndiotuku ndo ñaa ku’a io ñuu nu iondo. b).- Va kati tu’un ndo ñaa tu’un kucha ka’an ndo tichi videu ndo (2:30 minutuni va nduna’achi). Va kuu satiñun ndo videu ndo chi computadora. Tu indi siviun nu kuuchi Código Joven. 5. Kuu va ni’indo código Joven ndo tichi nu kuuchi www.imjuventud.gob.mx Va ki’vi siviun nu kuuchi campaña Nosotros por 6. Va ti’in ndo sivin ndo tichi nu kuuchi campaEllas (He for She) ña He for She en http://www.heforshe.org/en ÑAA KU’A VA KA’AN NDO TICHI VIDEU VA KUINU VA SAVA’ANDO Tichi videuya, va ka’an ndo tu’un cha va sama chi ra kuu rai ku’a cha kuu ratra ra kuati chi’ili ta nda keta ratra kuura in rai ta chakoo ña si’i ratra takan na koto ratra vati inni va kunda ya’vi maa ñi kuu ña’agan chi maa ra kuu raigan tra ta ñava kaniga ratra chi ñasi’i ratra ti. Takan vati, va kuu kati ndo ñaa ku’a saxini ndo ta ñaa kucha satañu anima ndo kuenda cha kuu machismo. Tu’un va ka’ando: a. Ña ku’a nde’e ndo chi ra kuu raian tra ta ñaa tiñu ndaku ratra cha na koto ñi tañi vati inni ndaa ya’vi ñi kuu ña’a chi ra kuu rai tra ta ñaa ku’aa nde’e ratra tacha saya’a ratra tundo’o chi ñi kuu ñasi’i tra ti: Ñaa ku’a kuu ratra in rai ñuu nu iogun ¿Ña ku’a kuu kuugun in rai tivaa ñuu nu iogun? ¿Atu chiton vati kua’a ku’a kuu koogun ñuñiviya/ ta kuugun in rai? ¿Chiton vati maun va koto ñaa ku’a kuu koogun ta kuugun in rai va’a? Ña ndaku ra kuu rai ñuu nu iogun takan na koto ñi tañi vati inni ndaa ya’vi ñi kuu ña’a chi ra kuu rai ta ña va’a cha va kani ratra chi ñi kuu ñasi’i ratra ti ¿Ñaa va katiu takan tichi videu ta na sama ku’a cha io ratra chi ñasi’i ratra? ¿Atu va’a tiñu sava’a ra kuu rai tindee cha na sama ku’a koo ratra chi ñasi’ira? ¿Ndaa cha kuu tiñu ra tivaa kuati cha na ña ya’aga ñi ña’a tundo’o? Tu maun ta kuu samaun ku’a cha io ra kuu rai tacha saya’a ratra tundo’o chi ñasi’i ratra, ¿ñaa ku’a kuu samaun chi ra’yatra? ¿ñaku? ¿ña ku’a kuu samaun che’e? b. Ra rai tindee chi ñi kuu ña’a: Tiñu kuenda ra kuu rai ¿Ña ku’a ni chakoo sutu cha’nun ta sutun kivi chani kuu ratra in rai tivaa? ¿Atu cha ni sama ku’a ni chakoo ra ni kuu sutu cha’nun ta ra ni kuu sutun, kivi cha ni kuu ratra in rai tivaa? Ta tu ni sama ku’a ni chakoo ratra, ¿ndaa cha niniga? ¿atu va’a an ña va’a cha ni sama ku’a chakoo ratra ta ñaku? Ña ku’a nde’e ñi ñivi chi ra kuu rai tra ta chi ñi kuu ña’a tañi ¿Ñaa ku’a nde’e ra kuu rai tivaa kivi vitiya tacha tindee ingara chi ñi kuu ñasi’ira: tacha kumi ratra se’era, tacha nda’yura ratra, tacha ndaku ratra tiñu ve’era? Ta ñuu nu iogun, ¿atu io tiñu ndaku ñi ña’a ta io tiñu ndaku ra kuu rai tra? Ta ku’a cha chika ndui ¿atu tu’agun nde’e tu ra kuu rai tivaaya tra ka’an ndaa ratra chi ta’anra tacha nda’yu ratra? Tacha io se’era ta kuni ratra chi se’era Chi maun, ¿Ñaa kuni kati tacha kuuyo sutu in ve lu’u? Ta tu cha io se’egun, ¿tuku ku’a cha iogun chi se’e lu’ugun ta ñavi ku’a ni chakoo ra kuu sutu cha’nun an ra ni kuu sutun kivi cha ni kuu maun in ra lu’u?, ¿ñaku? Nini vati va sava’un ku’a cha va kati ndi i’a: Ña va ti’un videuya tava “privadu”, vati ña va ya’a tiñua cha ku’aya. Videugun va kuinuchi ku’a cha ni kati tu’un ndi nu kuuuchi numero kumi cha ni kee nu tutu convocatoriaya i’a. Nini va kati ndi vati ñi va ti’i sivi i’a, va kee ta’anñi tañi tichi videuya ta va ka’anñi tañi ui uni tu’un i’a. Va kati ndo URL videuya, nu kuu, enlace página web de YouTube. Va nde’e tiñu ña ku’a va kuinu videu, ta va ka’an kachi ñi tañi i’a. Ta tu ña’ni cámaragun, va kuu kuatiñun in telefonoun. Cha kuu videuya in tiñu va sava’a matu’un maun va kuu che’e, vati maun va kuindi sivi i’a, tichi videu chaaya. Ñi ña va taso’o cha ka’an ndi i’a ña va kuu ya’a videuñi tañi tichi concursuya, tu ni ti’i ñi siviñi inga chio an tu ni su’uñi videuya ña va kuu ya’a tiñua. Tu ndio’o ta va ti’i ndo sivi ndo, cha’a ndo permisu chi Imjuve ta chi Conavim vati va kuatiñu ñi tañi videuya kuenda promoción, soko va ti’iñi sivi ndo. RA VA KUU COMITÉ SELECCIÒN Cha kuu Imjuve ta cha kuu Conavim va tava in Comité kuenda cha va nde’e tiñu tutu convocatoria, ñi’ya tañi va tava uni ta’an videu takiga vati va ya’a concursuya. Ndi’i cha va nde’e ñi kuu comiteya: Ñaa ku’a va ka’an ñi tañi tichi videuya ta ñaa va kati tu’un ñi tañi i’a: ñaa ku’a va ndatu’unñi historiañi nu va ketachi tiempu in ta nda uni minutu, ta ñaa kuenda va ka’an ñi i’a, ñaa kucha va kati tu’un ñi chi ñivi ta ñaa conseju va ku’añi chi ñi ñivi. Va ka’an kachi ñi i’a Kuenda tu’un va ka’anñi: cha vachi nu tutu convocatoria. In tiñu va saxini maañi chi xiniñi ta tiñu va satiñuñi chi formatu (kuu va kuatiñu ñi celular vertical ta celulares horizontal). Cha va kati Comité kuenda Selección chakan va sachinu tiñu i’a. Ta tu ni keta inga ku’a cha ña vachi nu tutu convocatoria ra Comité kuenda Selección va tiso va’a tiñuya PREMIU Xi’na kuii lugar: $10,000.00 pesos mexicanos (Uchi mil pesu chatiñuyo). Cha kuu ui lugar:$7,000.00 pesos mexicanos (Ucha mil pesu chatiñuyo). Cha kuu uni lugar: $3,000.00 pesos mexicanos (Uni mil pesu chatiñuyo). Inga vati, cha kuu uni videu va sa’a gana va nde’e ñi kuu ñivichi nu va koo clausura “Ciclo de Cine sobre la igualdad de género y combate a la violencia contra las mujeres” kuenda Conavim ui va kunda yoo diciembre kuia 2016. KIVI CHA VA KEE SIVI ÑI NI SA’A GANAA Va kee resultadu nu kuuchi página web oficial kuenda Instituto Mexicano de la Juventud: www.imjuventud.gob. mx. Tu yo’o ta ni ni’un premiu (a) va tuñugun vati: Va kee in tutu nu va kunda sivi ra ni ni’i premiuya, vati si tutuya va keechi ku’a cha kati normatividad kuenda materia padrones ta beneficiarios kuenda lineamientos nu kuu Políticas de Operación kuia 2016, kuenda IMJUVE. IN CHA VA KATI NDI: Premiu va ni’i ndo chakan kuuchi vati ña va kuuga cha va ndaka ndo su’a xu’un vati si chakan ni kuuchi, tu ndio’o ta va ndaka ndo cha kuu pasajegan, ña’niga cha va ni’indo. TUTU CALENDARIU TIÑU Kivi cha va kee tutu convocatoria ta kivi cha va ti’indo sivi ndo Kivi cha va kundasi tutu convocatoria Kivi cha va kee sivi nu kuuchi página: www.imjuventud.gob.mx www.gob.mx/conavim Kivi cha va ku’añi tañi Premiu ta kivi cha va sana’añi videu nu kuuchi clausura kuenda “Ciclo de Cine sobre la igualdad de género y combate a la violencia contra las mujeres” kuenda Conavim.” Tu kuniga ndo koton ka’an ndo an ki’vi ndo nu kuuchi: KIVI In va kunda yoo juliu kuia 2016 Oko iin va kunda yoo agosto kuia 2016 Tichi yoo octubre kuia 2016 2 de diciembre de 2016 Instituto Mexicano de la Juventud Teléfono: +52 1 55 1500 1300 ext. 1367 Página web: www.imjuventud.gob.mx Serapio Rendón 76, Col. San Rafael, Delegación Cuauhtémoc, Ciudad de México C.P. 06470 Comisión Nacional para Prevenir y Erradicar la Violencia contra las Mujeres Teléfono: Tel: (55) 5128 - 0000 Ext. 30351 y 303057 Página web: www.gob.mx/conavim Dinamarca #84, piso 6, Col. Juárez, Del. Juárez, Ciudad de México. CP. 06600 Tu ñaa kuati kuni ndo tiso ndo. Io ndi vati va nde’e ndi ndi’i kuii cha va kati tu’un ñi tivaa kuati ta ra tivaa kuati va ki’vi sivi nu tutu convocatoria, ñaa ku’a va kati tu’unñi tañi chindi ta ñaa conseju va ku’añi tañi; ndi’i che’e, va tindee na keega tutuya inga kuia: Tutu Postal: ve’e Secretaría kuenda Desarrollo Social – Órgano Interno kuenda Control io ve’eya nu kuuchi Avenida Paseo de la Reforma 116, Colonia Juárez, Delegación Cuauhtémoc, CP. 06600, Ciudad de México, México. Correu electrónico: organo.interno@sedesol.gob.mx Ñuu Ñuko’yo, in ndaa yoo juliu kuia 2016. Kuenda ñivi nda’vi kuu programaya, ñavi kuenda partido político. Ña va kuu kuatiñu tiñu programaya inga ku’a.
