si el archivo no descarga automáticamente

ALCORDANZA
La Danza Prima
ESCUELA MÚSICA
AGRUPACIÓN D’ETNOGRAFÍA Y FOLCLOR
REIJA DE LLANGRÉU
D’AYERI A GÜEI
L’Agrupación d’Etnografia y
Folclor Reija de Llangréu
fundase en La Felguera nel añu
1955, y dende un entamu, el
so principal esmolecimientu y
porgüeyu diríxese a caltener
ya esparder el folclor y la
etnografía popular en tolos sos
aspeutos. D’esi mou non solo
representa los bailles y cantares
tradicionales d’Asturies, sinón
que tamién organiza charres, esposiciones y
talleres de tradición, amás de cuntar con escuela
música y cultura tradicional.
Nes sos interpretaciones musicales trata de
presentar lo bailles y dances tradicionales d’un
mou asemeyau al que les xentes del pueblu
representaben y representen nes romeríes y
folixes populares. El so repertoriu abarca la
totalidá d’Asturies, pero tien el so principal
raigañu na tradición de la cuenca minera del
Nalón.
Con esi porgüeyu de caltener ya esparder la
cultura tradicional, ñaz dientro de l’Agrupación,
la so escuela música nel añu 1995. El principal
finxu de la mesma ye’l poder averar a cualisquier
particular la posibilidá d’introducise nel mundu
la música tradicional y el folclor popular. D’esi
mou cuenta con estremaes aules que non solo
formen musicalmente a los
alumnos, sinón que se-yos
pueda dar tamién un enfoque
ampliu de lo que ye la cultura
tradicional asturiana.
Asina los alumnos de les aules
de música, puen compaxinar
los sos conocimientos musicales
de curdion diatónica , gaita,
tambor, percusion o baille
tradicional, coles aules de
tradición, indumentaria o folclor. Del mesmu
mou, tamién s’encarga d’organizar seminarios
o charres dientro de lo que se noma Aula
Abierta, empobinaos a grupos de particulares
o de miembros d’asociaciones de la zona.
Nos caberos años, l’Agrupación vien organizando al
traviés de la escuela música y etnografía tradicional,
charres, talleres, asina como esposiciones de temes
musicales tradicionales.
Si hai daqué qu’identifique a un pueblu, eso ye la so
llingua.Al traviés d’ella espresase, camienta ya esparde´l
so pensamientu. Dende va cuantayá l’Agrupación day puxu al usu del Asturiano nos sos escritos,
espublizaciones y otres xeres. Cuenta con un aula de
consulta sobre l’Asturiano dientro la so escuela música.
D’esti mou trata d’esparder l’Asturiano y algamar el
so respetu dientro y fuera d’Asturies.
El trabayu con material etnograficu abarca gran
parte de les llabores llevaes a cau pola Agrupación.
Tres la compilación d’esti material nes estremaes
salides de campu, el departamentu d’etnografía
restaura, reconstrui y cataloga les pieces que
dempués s’usaran nes actividaes. Asina, demientres
los caberos años, l’Agrupación fizo baxo’l titulu
“Alcordanza”, estremaes amueses, espublizaciones
ya esposiciones sobre temes tradicionales, como
la indumentaria, alimentacion, ganaderia ya otres.
Les charres y conferencies sobre Etnografía y
Folclor completen les xeres de l’Agrupación. Al
traviés de la so escuela música avera estes a
entidaes públiques, privaes, colexos y
conservatorios de música, contribuyendo asina
a esparder la cultura asturiana dientro de los
planes d’enseñanza d’estos.
Al día de güei, l’Agrupación d’Etnografia y
Folclor Reija de Llangréu sigue trabayando col
mesmu finxu que persigue dende los sos orixenes,
el reconocimientu pola sociedá, de la cultura
popular y tradicional, rexistrandola, estudiendola
ya espardiendola, faciendo lo que seya menester
pa que nesti sieglu qu’entamamos, s’amalgame’l
puestu que se merez.
LA DANZA PRIMA N’ASTURIES
Dientro´l mundu la música y
el folclor pescanciamos por
danza a la representación rítmica
musical que diba pareya a un
determináu ritual y qu´espeya
de dalgún mou´l calter y
sentimientu d´un pueblu en
concreto.
En dómines perlloñe nel tiempu
executábense dances rituales
con un finxu relixosu de
fecundidá, de cultu a elementos de la ñatura, ya
otres munches.
Angüañu entá cuntamos dientro´l nuesu folclor
con dalgunes d´aquelles dances, que magar que
ya perdieren too o gran parte del so orixe ritual,
davezu entá se prautica en fiestes y romeríes.
D´ente toes la Danza Prima o cenciellamente
La Danza ye ensin dulda la más popular y la
que tien mayor estensión xeográfica en toa
Asturies.
A lo llargo la hestoria munches son les opiniones
al rodiu so orixe y xacíu, pero como n´otros
casos asemeyaos la esplicación de los mesmos,
ye por mor munches vegaes d´un escesu de
fantasía y especial porgüeyu en sacar conclusiones
d´antemanu. Per otru llau, la so forma
d´interpretación, cenciella y repetitiva ye
n´apariencia una nidia amuesa
del so arcaísmu.
N´Asturies hebo y entá hai
dances en corru zarráu con
alternancia d´homes y muyeres,
de corros concéntricos, de
corros de sexos dixebraos y
dances abiertes.
El pasu de danza ye cuasi netu
en toles versiones y delles
ocasiones camuda de ritmu, velocidá o execución
mas o menos desaxerada. Los participantes
cuéyense de les manes o del deu moñín mueven
los brazos al son de la melodía y del pasu. El
pie drechu avanza y recula p´alantre y p´atrás,
mentanto l´esquierdu faelo pa la drecha. D´esti
mou si la danza ye abierta avanzará pa esti llau
y si ye zarrada nel contrariu a les aguyes del
reló.
Ye vezu que la danza seya d´homes y muyeres
xuntos, pero n´otros tiempos les prohibiciones
por mor de les autoridaes civiles y relixoses
fixeron que se dixebrasen a la hora danzar. D´esti
mou facíense corros concéntricos, separaos o
tamién los homes danzaben a una hora y les
muyeres a otra.Yera vezu que los mozos danzaren
colos sos palos al hombru dexando´l deu moñín
llibre pa suxetase a la pareya.
La danza davezu acompanga la cellebración de
la fiesta de dalgún santu y ye común que se
faiga referencia a esti nel trescursu de la mesma.
Asina munches vegaes oyese falar de la Danza´l
Carme, La Danza La Madalena, La Danza San
Pedro ya otres munches.
Les melodíes qu´acompanguen a La Danza son
munches y perestremaes, y sofítense nes lletres
de romances tradicionales o de cantares sueltos.
Davezu los bailladores de bona voz entonen el
romance o´l cantar mentantu´l restu los
participantes repiten la lletra o faen estribillos.
Otru mou ye que formen dos bandos que
s´alternen na interpretación de les lletres.
El romance con mas sonadía de los que se
canten cola Danza ye´l “!Ai! Un galán d´esta
villa”, pero entá asina hai munchos otros que
magar que nun seyan tan populares, tienen gran
tradición.
Cuando s´interpreten cantares, anque n´ocasiones
puen ser de temática llibre, el vezu ye que se
refieran al llugar, a los participantes o al santu
al que se-y dedica la fiesta. N´ocasiones los
cantares cárguense d´ironía y picardía faciéndose
dances con munchu bulliciu y desinhibición.
Davezu rematase la Danza con glayíos “ixuxú”
o “Puxa” al llugar o al santu festexáu. N´ocasiones
la participación de mozos d´otros llugares
ocasionaba enfretamientos, sobremanera nel
momentu d´estos “Puxas”, cásique siempres
acababen en fuertes engarradielles y sonaes
paliestres, al echar mano y facer danzar entós
n´hombru ayenu aquellos palos qu´hasta esi
intre danzaben sobre´l propiu.
DANCES EN LLANGRÉU
Como vimos, el danzar d´esti
mou cunto y cuenta con una
bayura d´estremaes versiones
en tola xeografía´l país, asina
tamién nes diferentes dómines
hasta angüañu.
Nel valle Llangréu, cuando
aporta con puxu la
industrialización pa finar el
sieglu XIX fai que maneres de
v i v i r y l e s t ra d i c i o n e s
enraigonaes a lo llargo los sieglos, entamen a
aselar.
Los antiguos bailles de xota, toques de panderu
ya espresiones musicales más antigues, sele van
desaniciándose o camudando a versiones más
modernes.
El danzar pa finar les fiestes y romeríes siguió
teniéndose por vezu col sieglu XX ya entamáu,
pero les nueves modes musicales arrequexaron
los moos más tradicionales cada vegada con
más puxu y mesmamente meciéndose con estos.
Esti ye´l casu de la Danza qu´entá güei, nuna
versión mui evolucionada, podemos ver nel
pueblu Barros de Llangréu. Los Pozaricos, qu´asina
ye´l so xentiliciu, tienen-y un gran ciñu, tala ye
que nos programes de les fiestes diz de bien en
tiempu´l testu: “Tradicional Danza Prima, orgullu
de los pozaricos y almiración
de los visitantes”.
Los festeyos de La Purísima
Concepción cellébrense en
Barros el caberu fin de selmana
d´agostu. A lo llargo la so
hestoria siguen un programa
que cuasi nun camuda un res,
siendo´l día grande´l domingu
y festexándose de llunes el día
La Concepcionina.
Ye de llunes al meudía cuando, tres los concursos
de baille a lo suelto, por parte de pareyes
espontánees del pueblu na Plazuela la ilesia,
Pozaricos y foriatos cuéyense de les manes y
entamen a danzar.
Tratase d´una danza abierta, onde dos files de
participantes, ocupen los dos llaos de la cai
central del pueblu, y mécense na cola de les
mesmes. Asina, entamando en La Plazuela, La
Danza percuerre tol pueblu d´un estremu a otru,
como queriendo marcar les llendes d´esti. Cunta
la xente Barros qu´antañu hebo años en que la
cabeza La Danza llegare a les llendes con La
Felguera y entá nun acabaren d´allugase los
bailladores de la cola.
La música y lletra que l´acompangaron yeren
les clásiques de “La Molinera Trillará ...” pero
nesti casu nun se recurría al usu del romance
“Galán d´esta villa”, sinón a coples referíes al
pueblu Barros y a la so xente ya otres coses de
calter popular. Nes últimes décades l
´acompangamientu musical cuerre a cargu la
banda música, magar que-y diere un tonu más
gayoleru, tamién fizo que los pasos tradicionales
d´acompangamientu se perdieren y dieren pasu
a otros más saltaos o cenciellamente andaos.
Esti ye´l casu d´una danza tradicional evolucionada
y tresformada col pasu´l tiempu polos sos
llexítimos responsables, los Pozaricos, que magar
que caltién el so nome y les formes de “Danza
Prima”, estremase daqué cola más clásica na so
execución.
En munchos pueblos del conceyu caltiénse polo
menos el testimoniu de La Danza ente la xente
y recuerden perbien dalgunes melodíes y cantares
llocales de la mesma.
Angüañu vese davezu, sobremanera nes
cellebraciones de la Nueche San Xuan nos
barrios y villes de Llangréu, anunciao nos
programes de fiestes el testu: “Tradicional Danza
Prima”. Ye vezu que pa esa ocasión se sofite la
organización de la danza nun coleutivu de folclor
o daqué asemeyao y el restu de participantes
entren nella, tratando, coyer el pasu. Anque la
interpretación testimonial de la danza queda
reflexada d´esti mou, pierde´l so valir como
espresión d´espontaneidá coleutiva y tradicional
g obiernu del principau d ’asturies