BASES II PREMIU DE TEATRU N`ASTURIANU “PACHÍN DE MELÁS

BASES II PREMIU DE TEATRU N’ASTURIANU
“PACHÍN DE MELÁS”
Divertia Gijón S.A., col envís d’afalar y acoricar les actividaes escéniques y la producción y anovamientu de
montaxes, nel centenariu de l’apertura del popular kioscu Xovellanos-La Farola rexentáu pol escritor y autor teatral
xixonés Emilio Robles Muñiz “Pachín de Melás” y col enfotu que se caltenga nel tiempu, entama esti premiu a la meyor
propuesta escénica n’asturianu, dientro l’ámbitu territorial del municipiu de Xixón/Gijón.
Con esi envís CONVOCA’L Premiu de Teatru “PACHÍN DE MELÁS” acordies coles siguientes
BASES
1. Podrán presentase e esti premiu les empreses y compañíes profesionales de teatru qu’acrediten la so residencia en
Xixón/Gijón.
2. El proyectu podrá ser mesmo pa obres de nueva fechura ensin estrenar que pa la reposición d’obres del teatru
costumista asturianu o zarzueles asturianes, ansina como pa trabayos de traducción al asturianu d’obres d’autores
españoles o estranxeros; inda que van primase los proyectos desendolcaos enriba obres de nueva fechura que, recoyendo
l’espíritu d’impulsu a un teatru xenuinamente astur qu’animó la producción de Pachín de Melás, acueyan presupuestos
estéticos, técnicos y llingüísticos contemporáneos.
3. El premiu tendrá una dotación económica de 7.000 (siete mil) euros, qu’han ser enforma xustificaos en gastos de
producción y promoción de la obra presentada.
4. El premiu ye compatible con cualaquiera otra ayuda o sovención, pública o privada, que reciba la compañía pa tala
obra.
5. El Xuráu tará formáu por persones cualificaes nel ámbitu que mos ocupa, en númberu que nun baxe de tres nin pase de
cinco.
6. El Xuráu valorará los proyectos por mediante un baremu oxetivu de puntuación y acordies colos siguientes criterios:
6.1. L’interés xeneral y la viabilidá del proyectu (tolo más hasta 50 puntos). Nesti apartáu el proyectu terndrá
d’axuntar:
Testu
Ficha artística
Ficha técnica
Plan de finaciación
Diseños (vestuariu, escenografía, iluminación, producción)
6.2. La trayectoria de la empresa y/o compañía que lu presenta. (Tolo más hasta 25 puntos)
6.3. La presencia d’asturianos/es en toles estayes de la producción y realización del espectáculu. (Tolo más hasta 25
puntos)
7. Nun se va almitir más d’un proyectu por compañía.
8. Cualuquiera cambéu que se faiga nel proyectu ganador habrá ser comunicáu al Teatro Jovellanos enantes de la estrena
y aprobáu polos responsables del mesmu.
9. Ganar el premiu conlleva la representación de la obra nel Teatro Jovellanos en fecha o feches que va marcar el propiu
Teatro. Por ello, los proyectos presentaos han tener formatu de teatru a la italiana.
10. Tien de figurar la coproducción del Teatro Jovellanos, ansina como’l so logotipu, en tol material publicitariu que se
faiga referente a l’actividá (programes de mano, cartelos, etc...) demientres tol tiempu d’esplotación del espectáculu.
11. Los proyectos han presentase nes oficines de Divertia Gijón S.A. (Casa La Palmera, c/ Cabrales 82, 33210
Xixón/Gijón), primero de les 14 hores del día 31 de xunetu del 2015, axuntando la documentación que se pide por
quintuplicao.
12. El fallu del Xuráu será inapelabe y va facese públicu antes del 10 de ochobre del 2015.